Éxodo 20:14 - La'aqtaqa Ñim Lo'onatac 'Enauacna 2013

¹⁴ Saishet da 'arauañi' aca sa 'arhua.

Éxodo 20:14 Referans Kwoze

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Deuteronómio 5:18

Saishet da 'arauañi' aca sa 'arhua.

Romanos 13:9

Cha'aye na nqataxacpi huo'oi naua damaxasoxooleguete maye 'eeta'am de'era, 'eeta': «Saishet da 'ancachetague' aca sa 'arhua. Saishet da qaualaataxañi. Qataq saishet da qaucache. Saishet da qoquiitague' da qarqopitaxanaqtaiqui da qauqopichiita'a ca hueto'ot ca qarỹai.» Qaq ne'enaua namaxasoxonaxaco qataq 'enauac na laỹepi, naamaye imatta't da na'aqtac maye, 'eeta': «Ñi 'oonolec iuen da ỹauotec ca lỹa, 'eeta'am naqa'en da lauotaxanaqtaic da maiche nachaalataxac.»

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Levítico 18:20

Qataq saishet qome da huo'o ca lauatapiguiñi' aca mashe huo'o ca lhua, yaqto' saishet da ỹo'ot da sa saishet da qui'itta souaxat acamaye.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

2 Samuel 11:27

Qalaxaye co'ollaq ime dam lasouaxac asomaye, nache so David damaxasoxoneuga asomaye da yaqto' qaỹauegueua'a so lma' lta'araic, nache so David ỹauo'o lhua asomaye, qaq co'ollaq qaỹata'ague de'era, nache asomaye ñiguiñi so llalec. Qalaxaye Ñim Nataxala', ỹataqta sa ỹaỹamaxaren de'era ỹo'ot so David.

Mateo 19:18

Nache so nsoq denataxan 'eeta': –¿Negue't cam namaxasoxonaxacpi? Nache So Jesús 'enapeco': –Qomye saishet da 'aualaataxan; qataq saishet da 'ancachetague' aca sa 'arhua; saishet da 'aucache, saishet da 'auatenataxan da choche 'auauotaique da 'ana'aqchet ca 'arỹa,

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Santiago 2:11

Cha'aye nacheñi Ñim Lo'onatac 'Enauacna maye 'eeta' da la'aqtac: «Saishet da 'ancachetague' aca sa 'arhua.» Nataqa'en 'eeta': «Saishet da qaualaataxañi.» Qaq ỹoqo'oye da 'am 'auren aca 'arhua, qalaxaye da 'aualaataxan, nache 'am huo'o da 'arasouaxashet, cha'aye saishet da 'aualaxaguet na lamaxasoxonaxacpi Ñim Lo'onatac 'Enauacna.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Génesis 39:9

Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Números 5:12

«Qonapega qome na Israel le'ecpi, qoneta': Saiuena'a da huo'o aca 'alo maye huo'o ca lhua, qalaxaye saỹalemaq,