Éxodo 20:13 - La'aqtaqa Ñim Lo'onatac 'Enauacna 2013

¹³ Saishet da 'aualaataxan.

Éxodo 20:13 Referans Kwoze

Romanos 13:9

Cha'aye na nqataxacpi huo'oi naua damaxasoxooleguete maye 'eeta'am de'era, 'eeta': «Saishet da 'ancachetague' aca sa 'arhua. Saishet da qaualaataxañi. Qataq saishet da qaucache. Saishet da qoquiitague' da qarqopitaxanaqtaiqui da qauqopichiita'a ca hueto'ot ca qarỹai.» Qaq ne'enaua namaxasoxonaxaco qataq 'enauac na laỹepi, naamaye imatta't da na'aqtac maye, 'eeta': «Ñi 'oonolec iuen da ỹauotec ca lỹa, 'eeta'am naqa'en da lauotaxanaqtaic da maiche nachaalataxac.»

Deuteronómio 5:17

Saishet da 'aualaataxan.

Éxodo 21:14

Qalaxaye da huo'o ca ỹalauat ca lỹa souaxat da nache 'eetai' da nquiỹatega, nache camaye nache 'ena'am qaỹalauat, na'aictaxa da ỹe'egueneua'a aca nca'atoxonaxalate.

Santiago 2:11

Cha'aye nacheñi Ñim Lo'onatac 'Enauacna maye 'eeta' da la'aqtac: «Saishet da 'ancachetague' aca sa 'arhua.» Nataqa'en 'eeta': «Saishet da qaualaataxañi.» Qaq ỹoqo'oye da 'am 'auren aca 'arhua, qalaxaye da 'aualaataxan, nache 'am huo'o da 'arasouaxashet, cha'aye saishet da 'aualaxaguet na lamaxasoxonaxacpi Ñim Lo'onatac 'Enauacna.

Mateo 19:18

Nache so nsoq denataxan 'eeta': –¿Negue't cam namaxasoxonaxacpi? Nache So Jesús 'enapeco': –Qomye saishet da 'aualaataxan; qataq saishet da 'ancachetague' aca sa 'arhua; saishet da 'aucache, saishet da 'auatenataxan da choche 'auauotaique da 'ana'aqchet ca 'arỹa,

Levítico 24:21

Qataq ca ỹalauat ca shiguiỹac maye saishet da lalo, camaye naiguet naqa'en ca lỹa shiguiỹac. Qalaxaye ca ỹalauat ca lỹa shiỹaxaua, nache camaye nataqa'en qaỹalauat.

Éxodo 21:20

Qaq da huo'o ca iuaxan ca l-latac, huo'otaq aca l-lata da irota'a ca 'epaq, qaq da huo'o ca ileu caamaye, nache que'eca deuaxanaxan qaỹauo'o ca nhuaxanaguec.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

1 Timoteo 1:9

Ỹoqta 'eesa da na namaxasoxonaxacpi saishet da qaỹo'ot da qanmit ca no'on da lataxac, nachaqcata ca sa ỹalaq, qataq qauemaic, qataq 'etaxaloxoic, qataq ca qaica ca 'enec naqa'en Ñim Lo'onatac 'Enauacna, qataq da na'amqaanataxanaxac. Nataqa'en naamaye talec cam ỹalauat cam 'ena'am shiỹaxaua qataq ca ỹalaua't caua yo'oqchiguilo lta'al.

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

Gálatas 5:21

Namayepi ỹataqta quiỹaxanaqtaqaicpi, ivira'a da dalaataxan, taxaicpi, qataq da ỹo'ot ye laponaxac, nache ỹataqta qaica ca laỹaanataxanaxac qataq qalota na laỹepi ỹo'ot qauem. Qaq ỹoqo'oye qami' seqatalo 'ena'am so hua'auchiguiñi ỹa'aqtac, da nam ỹo'ottac de'era saishet da taigui da lo'onataxanaxac Ñim Lo'onatac 'Enauacna.

Proverbios 1:18

qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

Proverbios 1:11

Da huo'otaq 'am 'enapega 'eeta': «'Aỹala, qomi' 'auca'ateguelo, cha'aye sauoqtaique da sauoqo'o ca secachaqot, qataq salauataq ca qaica ca ỹauotaique.

Hechos 28:4

Nache nam lma' se'eso 'alhua co'ollaq ỹauaachigui se'eso na'araxanaq da netaua'a na lhuaq so Pablo, nache somayepi 'enapeco': –De'era ỹale ỹoqta da laataxanaxaic, ỹoqo'oye na'aictaxa da ỹet na 'etaxat, qalaxaye dam nhuaxanaguec maye 'itchiguiñi saishet da ỹashenem da nca'altauec.

Jeremías 26:15

Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

2 Crónicas 24:22

Qaq so nta'a Joás, icoua'ai da lauotaxanaqtaic co'ollaxa so Joyadá, som lta'a so Zacarías, nacherata da ỹalauat so Zacarías, som 'enapec co'ollaq mashe yaqta'a da ileu, 'eeta': «Ñim Nataxala' maye ỹauaachigui de'era nacheñi qome ñim 'am nmit.»

2 Reyes 21:16

Qaq 'enauac na lasouaxashetpi so Manasés, da nataqa'en ỹo'ot da huo'o nam lasouaxashetpi ye Judá, cha'aye ỹo'ot nam qauem maye sa ỹaỹamaxarenpi Ñim Nataxala', qataq ỹalauat so qalota maye qaica ca lasouaxashet, nache ỹataqta nlaxalec ye Jerusalén na ntago'q.

Éxodo 21:29

Qalaxaye da maiche lataxac que'eca huaca da togoxosoxonaxaic, qataq ivitta'a da huo'o ca ỹalauat, nache qairota'a ca coma' da qaỹalauat, nataqa'en ca lalamaxat camaye, souaxat da ỹaỹaten, qalaxaye saishet da ỹoqocha'a.

Marcos 10:19

'Am 'auaỹateeta na namaxasoxonaxacpi maye, 'eeta': Saishet da 'aualaataxan; qataq saq ishet da sa 'aupaguelec ca 'arasataxac co'ollaq 'auaron, qataq saishet da 'aucache, qataq saishet da 'auatenataxan da yaqto' 'auo'otec ca sa ỹaỹamaxañi ca lỹa shiỹaxaua, qataq saishet da choche 'avi'egueetac ca 'arỹa, 'aualaxaguet qataq 'antela'a ca 'arta'a qataq aca 'arate'e.

Lucas 18:20

'Am peta'a 'auaỹaten nam namaxasoxonaxacpi maye 'eeta': «Saishet da 'arauañi' aca sa 'arhua; saishet da 'aualaataxan; saishet da 'aucache; qataq saishet da 'anasaxauec ca saq 'en maye ishet da na'axat ca 'arỹa; huo'o da 'enec 'anqa'en ca 'arta'a qataq aca 'arate'e.»

Éxodo 21:12

«Qaq da huo'otaq huo'o ca ique'emaqchet ca lỹa, qataq ỹalauat, nache camaye nataqa'en qaỹalauat.

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Levítico 24:17

«Qaq ca shiỹaxaua da ỹalauat ca lỹa, nache camaye nataqa'en qaỹalauat.

Hechos 16:28

Qalaxaye so Pablo ỹa'alaxalec somaye, 'eeta': –Saishet da maiche 'analaala't, cha'aye qomi' 'enauac ñaloqta't.