Éxodo 20:12 - La'aqtaqa Ñim Lo'onatac 'Enauacna 2013

¹² Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Éxodo 20:12 Referans Kwoze

Colosenses 3:20

Qataq qami' ñaqpiolec, ỹataqta qaualaqaigueta caua qarta'alli', cha'aye damaye ỹataqta ỹaỹamaxareeta So Qarataxala'.

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Marcos 7:10

Cha'aye so Moisés co'ollaxa, 'eeta': «Qaualaqaiguet qataq huo'o naq 'enec qanqa'eñi ca qarta'ai qataq aca qarache'e.» Nataqa'en, 'eeta': «Ca isheuen ca lta'a huo'otaq aca late'e, nache camaye iuen da qaỹalauat.»

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Lucas 18:20

'Am peta'a 'auaỹaten nam namaxasoxonaxacpi maye 'eeta': «Saishet da 'arauañi' aca sa 'arhua; saishet da 'aualaataxan; saishet da 'aucache; qataq saishet da 'anasaxauec ca saq 'en maye ishet da na'axat ca 'arỹa; huo'o da 'enec 'anqa'en ca 'arta'a qataq aca 'arate'e.»

Mateo 19:19

'aualaxaguet qataq 'antela'a ca 'arta'a qataq aca 'arate'e, 'auauotec na laỹe shiỹaxauapi, 'eeta'am da 'arauotaxanaqtaic da maiche 'anachaalataxac.

Proverbios 20:20

Ca isheueetac ca lta'a huo'otaq aca late'e, qalaq camaye taỹa'a da ileu, nache taigui ca ỹataqta chaqaic napalaxa.

Éxodo 21:17

Qataq cam isheuen ca lta'a, huo'otaq aca late'e, camaye qaỹalauat.

Marcos 10:19

'Am 'auaỹateeta na namaxasoxonaxacpi maye, 'eeta': Saishet da 'aualaataxan; qataq saq ishet da sa 'aupaguelec ca 'arasataxac co'ollaq 'auaron, qataq saishet da 'aucache, qataq saishet da 'auatenataxan da yaqto' 'auo'otec ca sa ỹaỹamaxañi ca lỹa shiỹaxaua, qataq saishet da choche 'avi'egueetac ca 'arỹa, 'aualaxaguet qataq 'antela'a ca 'arta'a qataq aca 'arate'e.

Éxodo 21:15

Qaq da huo'o ca ique'emaqchet ca lta'a, huo'otaq aca late'e, nache camaye qaỹalauat.

Deuteronómio 32:47

Cha'aye saishet da chocheyetto ne'ena na'aqtacpi, ne'ena nqataxac namaye nca'alaxa, cha'aye chegoqchigui da logoraic da qanachaalataxaqui da qoñiitalec yi'iye 'alhua maye hua'ategue da le'ego ye tala Jordán, maye qaralamaxache qome.»

Proverbios 3:16

Na aloiguishec lhuaq ỹan da logoraic achaalataxac, na ne'emaxashec lhuaq qalaq ỹan da nsallaxa qataq da ño'oxoyec.

2 Reyes 2:12

Qaq co'ollaq ỹauaachigui de'era so Eliseo, nache ỹa'alaq, 'eeta': «'Am ito'olec, 'am ito'olec. 'Am, maye qoneta'am aca naigona, qataq ca 'añaxaic alleppi da qoueta'aguet na Israel le'ecpi.» Qaq co'ollaq ime de'era, nache saishet da qaltaq ỹe'eguelaxa da ila'a so Elías. Huaña nache so Eliseo, ỹataqta ncolaxata'alo soua alogo.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Deuteronómio 25:15

nacherata da ỹataqta ipacchigui ye lcata ca naloqten aca 'araloqnaxanaxaqui, qataq nalochiguiñi ye lcata ca 'analoqten, yaqto' logoraic da 'anachaalataxac da qonetalec yi'iye 'alhua maye 'am ỹanem Ñim Nataxala', maye 'Anatamnaxala'.

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Proverbios 30:11

Huo'o nam sa ichoxonnai' da detaxaỹa ca lta'a, qataq saq ỹanem ca nqouagaxa aca late'e.

Proverbios 28:24

Ca decachiỹot ca lta'a huo'otaq aca late'e, nache camaye 'eetega da qaica ca lasouaxashet. Qaq camaye nache nauochaxaua na laataxanaxaicpi.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

1 Reyes 2:19

Qaq ime, nache aso Betsabé taua'a so nta'a Salomón, da detaqlec so Adonías. Nache se'eso nta'a ñisheguem co'ollaxa da ilo'oguet aso late'e, qataq nqollemñi da iquin asomaye. Ime, qaltaq nso'ooñi, nache damaxasoxon da qairouo aso nso'onaxaqui aso late'e, nache asomaye nso'oochiguiña na pa'aigue da aloic so nta'a.

Levítico 19:32

Ỹataqta 'anachaañi da 'auqocha'a ca ỹa'axaiquiolec, souaxat da huo'o naq 'enec 'anqa'en. Qataq huo'o naq 'enec 'anqa'en na 'Anatamnaxala'. Qaq 'era da ỹa'aqtac, Aỹem Nataxala'.

Efesios 5:21

Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Deuteronómio 4:26

Ỹoqo'oye nagui ana 'alhua qataq na piguem hua'aqchigui ñaqa'en da ỹa'aqtac da sa qaỹaloq qome da qami' imereuo, qom mashe qoñiitalec yi'iye 'alhua maye pa'aitague da le'ego ye tala Jordán. Qataq saishet qome qaỹoqtegue da qoñiitalec yemaye.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Deuteronómio 6:2

Yaqto' huo'o naq 'enec qanqa'eñi Ñim Nataxala' maye Qanatamnaxala'ai qataq ỹataqta qaualaqaiguet na lamaxasoxonaxacpi, lqataxacpi maye qami' samaxaleguete yaqto' qami' qataq na qoyalquipi qataq qarhuallipi ỹataqta qaỹoqtec da nachaalataxac da netalec ye 'alhua.

Deuteronómio 11:8

Qaq ỹoqo'oye ỹataqta qaupaquiitelec qome 'enauac na namaxasoxonaxacpi maye qami' sanema nagui, yaqto' huo'o da qara'añaxaqui da qaua'axasoxoñiilec ye tala Jordán, da yaqto' qoñiỹalec yi'iye 'alhua,

Deuteronómio 11:9

qataq yaqto' qaỹoqtec da qanachaalataxaqui da qoñiitalec yi'iye 'alhua, maye Ñim Nataxala' ỹachaxanapecot co'ollaxa so hua'au qarta'ailpi qataq na chegoxoguetpi somayepi, yem 'alhua maye huaña da sa qoue na huaca lche' qataq te'esaq lli'i.

Deuteronómio 21:18

Qaq da huo'o ca ỹale da huo'o ca llalec da sa na'axaỹaxan, qataq saishet da ỹalaq, saishet da ỹalaxaguet ca 'enapec ca lta'a qataq aca late'e, na'aictaxa da qaiuaxaatac qalaq ñaqaiyeta sa ỹalaq,

Deuteronómio 27:16

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ca lta'a, qataq aca late'e. Nache 'enauac qome na nhuo' le'ecpi, 'eeta': Aja', nache 'eetec.

Proverbios 17:6

Na llo'oxoret ca ỹa'axaiquiolec qalaq nachena na laualpi, qaq da ỹo'ot da llo'oxoyec na ñalaqpi, qalaq nachesoua soua lta'al.

Jeremías 35:7

Qataq nataqa'en qomi' illapeguema da so'otaq ca qarma', qataq da sauoqo'o ca qaranaxanaqa' da saxanaxañi ana uva. Qataq qomi' ỹamaxaleguete da nache 'eetai' da sauoqta'a na qarpe'lpi, da yaqto' qaỹoqtegue da qanachaalataxac da sonaqtalec ne'ena 'alhua maye choche souaqta'a shenaqta'am ca ỹaqa'a ca chegaqa'ague.

Jeremías 35:18

So Jeremías nataqa'en 'enapega co'ollaxa so Recabitapi, 'eeta': «Ñim Nataxala' maye Qaica ca Ỹaqalanapec qataq Natamnaxala' na Israel le'ecpi, 'eeta': Cha'aye qami' qaualaqaiguet dam lamaxasoxonaxac som hua'au qarta'ai Jonadab, qataq qoquiitelec 'enauac nam lapaxaguenataxanaxacpi maye qami' ỹanema co'ollaxa,

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.

Génesis 50:12

Qaq soua llalqa so Jacob ỹataqta ipactelec co'ollaxa 'enauac nam lquiquiaxacpi so lta'a.

Rut 3:6

Nache aso Rut jec, tauga so nchegoxosoxonqa', nache ỹo'ot 'enauac nam ỹamaxalec aso lachoro.

1 Samuel 22:3

Qaq so David nache chegoqchiguiña yemaye da nqo'ona ye Mispá, maye huaña ye Moab, huaña nache 'enapega so nta'a ye Moab, 'eeta': 'Am ñachoxonnot da 'aua'aqta'a qome ñi ita'a qataq añi ỹate'e da nache qami' netaiguilo, choche ivitta'a qom saỹaten ca 'eetec ca aỹem ỹataxaateuga Ñim Lo'onatac 'Enauacna.