Éxodo 20:11 - La'aqtaqa Ñim Lo'onatac 'Enauacna 2013

¹¹ Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Éxodo 20:11 Referans Kwoze

Éxodo 31:17

Qaq damaye nache 'eetai' qome da la'anaxat na Israel le'ecpi qataq Aỹem. Cha'aye Aỹem Nataxala', so'ot co'ollaxa na piguem qataq ana 'alhua, huaiguilo soua seis na'axa'te, qaq so ivita so na'a'q siete, nache ime da ỹo'onataxanaxac nache ñematec.

Hechos 20:7

Qaq so la'auaxanec na'a'q naua na'axa'te, nache huo'o so qarquia'axac da seuennaqte da lquia'axac So Qarataxala'. Nache so Pablo ỹapaxagueetac na 'amqaanataxanaxaicpi. Qaq cha'aye somaye huotaique da jec so lỹa na'a'q, nache ỹataqta quetot da la'aqtaxanaxac, choche ivitta'a da laiñi so pe.

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Hechos 4:24

Nache somayepi co'ollaq hua'axaỹa de'era, nache 'enauac da nqouagaxaunot Ñim Lo'onatac 'Enauacna, 'eeta': –'Am Qarataxala', 'am maye nache 'am 'aro'onatac na piguem, qataq ana 'alhua, qataq aso auaxai, qataq 'enauac nam huetalecna.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Hebreos 4:4

Cha'aye huo'o na hueta'a ana nere maye huetalec na la'aqtacpi Ñimaye da ỹa'axa't yi'iye na'a'q maye mataxaqui, 'eeta': «So pa'atec na'a'q se'esoua siete na'axa'te, nache Ñim Lo'onatac 'Enauacna nmateeguesop 'enauac na lo'onatac.»

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Éxodo 9:29

Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Isaías 42:10

Qauo'oñi ca dalaxaic no'onec da qauo'onaxañiito'ot Ñim Nataxala', nam netaña nam qaỹoqta 'alhua qalaq ỹo'oxoren qome Ñimaye, qataq nataqa'en nam quetalec aso auaxai qataq nam shiguiỹacpi maye huetangui asomaye, qataq nam netalec nam ỹaqauga 'alhuapiolec aso auaxai.

Isaías 48:13

Aỹem sauota'a na ihuaq co'ollaq so'ot ana 'alhua qataq sauota'a na ihuaq co'ollaq selagaxaañi na piguem, qaq co'ollaq ñasaxauec da le'enaxat nache namayepi huo'o.

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.