Éxodo 20:1 - La'aqtaqa Ñim Lo'onatac 'Enauacna 2013

¹ Ñim Lo'onatac 'Enauacna detaqa, nache, 'eeta':

Éxodo 20:1 Referans Kwoze

Deuteronómio 5:22

Qaq 'ena na la'aqtacpi maye na'axannec da nasaxauec co'ollaxa Ñim Nataxala' co'ollaq qoviito'ot na loigue añi qasoxonaxa, Ñimaye chemaqtapoigui so norec maye huetaigui so sansatchiguiñi qataq napalñi lo'oc. Qaq co'ollaq ime ne'ena la'aqtacpi, nache ỹereleguete soua dos coma'ye, nache aỹem ỹanema.

Deuteronómio 5:4

Ñim Nataxala' ỹataqta qami' datata'agueta da qami' detaqtacoto co'ollaq huetaigui so le'eraxa so norec, huaña añi qasoxonaxa.

Deuteronómio 4:36

Qataq chegoqtot naqa'en na piguem da lavilỹaxac, nache qaua'aqaitega da qami' ỹapaxagueeta'ape. Qataq huaña naqa'en ana 'alhua da qami' ỹachaxanalo so lta'araic norec, qataq nache chemaqtapoigui somaye co'ollaq qaua'aqaitegalo naua la'aqtaqa.

Hechos 7:38

Qataq nacheso so Moisés som huetaigui som hua'au qarta'alpi co'ollaq huaña so toolec 'alhua. Qataq nacheso so detaqtague' so lamaxashec piguem le'ec Ñim Lo'onatac 'Enauacna co'ollaq huaña aso qaỹoqotcheguemec 'alhua le'enaxat Sinaí, qataq hueta'aguet som hua'au qarta'alpi. Qataq nacheso so ỹaconeguet co'ollaxa da na'aqtac maye chegaqaigui da nca'alaxa, da yaqto' qomi' ỹanema.

Deuteronómio 4:33

Na ỹotta'a't nhuo' le'ecpi ana 'alhua, ¿peta'a huo'o co'ollaxa ca 'eeta'ama qami' da hua'aqtega da detaqtac Ñim Nataxala' huetaigui ca norec, nache saishet da ileu?

Hechos 7:53

Qamaq nacheqami' maye qauacoñiiguet co'ollaxa na lamaxasoxonaxacpi Ñim Lo'onatac 'Enauacna maye ndoi' so lamaxashecpi. Qalaxaye qami' saishet da qaualaqaiguet namayepi.

Éxodo 19:25

Nache so Moisés huenotec, nache qaltaq ỹe'eguelaxalec da da'aqtaxanem de'era so Israel le'ecpi.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Deuteronómio 10:4

Nache Ñim Nataxala' ỹereleguete se'esoua coma'ye soua diez nqataxaco, nache ipagaqchiichigui 'enauac na ỹereñepi maye qami' da'aqtaxaateguema co'ollaq huetaigui so norec le'eraxa, huaña añi qasoxonaxa.

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Deuteronómio 5:6

Aỹem, nachaỹem Nataxala' maye Qanatamnaxala'ai, qami' ñeqateeguesopa co'ollaxa ye 'alhua Egipto, ye huaña co'ollaq choche qami' nlataqa.