Éxodo 2:25 - La'aqtaqa Ñim Lo'onatac 'Enauacna 2013

²⁵ Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.

Éxodo 2:25 Referans Kwoze

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Salmos 55:22

'Aupa'axano'ot qome Ñim Nataxala' 'enauac na 'auennatapegapi, nache Ñimaye ỹataqta 'am lasoqchiguiñi qome, cha'aye Ñimaye saishet da huañi naqa'en ca no'on da lataxac.

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

Lucas 1:25

«¡Ñim Lo'onatac 'Enauacna aỹem ỹo'otec de'era, yaqto' na shiỹaxauapi saishet da saqca ca naigui naqa'en aỹem!»

Mateo 7:23

Qalaxaye Aỹem shenapega qome namayepi, sheeta': ¡Aỹem saishet da qami' sategueua'alo! ¡Aỹem qoquiỹa'ai, qami' shiỹaxauapi maye qauo'ocheetac na sa ỹaỹamaxañi!

2 Samuel 16:12

Qaq sa iuena'a da ila'a da ñeque'eenaxac Ñim Nataxala', nache maiche aỹem ỹanem ca ñechoxonnataguec, nmeneguet naqa'en na qauem na'aqtacpi maye aỹem qaỹasaxalec nagui.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

Éxodo 1:8

Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Hechos 7:34

Aỹem semeteetac da nque'eenaxac ye ỹalaqpi maye hueta'a ye 'alhua Egipto qataq Aỹem sa'aqtega da nqui'ic yemayepi. Ỹoqo'oye Aỹem senotec da yaqto' sesoueeguesop da la'añaxac na Egipto le'ecpi. Qaq ỹoqo'oye 'anaỹamaxat cha'aye 'am samaq da 'anqo'ona ye 'alhua Egipto.»

Éxodo 3:9

Qaq Aỹem sa'aqtega da lachetataic ye Israel le'ecpi, nataqa'en sauaachigui da ye Egipto le'ecpi ỹataqta qaica ca lyacnataxanaxac yemayepi.

Éxodo 18:8

Huaña, nache so Moisés da'aqtaxaatapeguem so lacho' 'enauac na ỹo'otec Ñim Nataxala' so faraón, qataq so Egipto le'ecpi co'ollaq iueelec so Israel le'ecpi, qataq da lqalaic da ñecỹaxac. Nataqa'en da'aqtaxaatapeguem somaye da 'eetec Ñim Nataxala' co'ollaq nca'alaxatec somayepi.

Deuteronómio 26:7

Huaña, nache seỹaxanaqot Ñim Nataxala' maye Natamnaxala' so hua'au qarta'alpi da yaqto' qomi' itaua'n. Nache Ñimaye hua'axaỹa so qanachoxonnaxac, qataq ỹauaachigui da qarachoxoyec souaxat dam qapa'atta qaro'onataxanaxac, qataq da qanamaxasaguec maye qomi' qaique'eteneque.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Salmos 31:8

Qataq saishet da aỹem 'aỹa'aneguet co'ollaxa da lhuaqỹaxac na ñepa'aguenaxauapi, nachaqrata da aỹem 'auapiaxanaxanaxaatelec yem huo'o da nlagaqa'.