Éxodo 2:24 - La'aqtaqa Ñim Lo'onatac 'Enauacna 2013

²⁴ Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Éxodo 2:24 Referans Kwoze

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Éxodo 6:5

Qaq ỹoqo'oye nagui aỹem saỹaten da na Israel le'ecpi, ỹataqta huo'o da nque'eenaxac souaxat da na Egipto le'ecpi ỹamaxalec na qapa'atta lo'onatac. Qaq ỹoqo'oye aỹem tachigui ye iuel de'era ñaỹamaxataxac.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Salmos 102:20

da yaqto' hua'axaỹa da nnoinaxac na noxonecpi. Qataq da isouec na taỹa'a da nalaataguec,

Salmos 22:24

Cha'aye Ñimaye saishet da huo'o ca ỹo'otan, huo'otaq da sa iqocha'a da nque'eenaxac ca choxoraq, qataq saishet da nqañoxocheesop camaye, nda'a't da hua'axaỹa camaye da iỹaxanaique ca ntaunaguec.

Salmos 138:3

Co'ollaq 'am seỹaxanot qalaq aỹem 'auasateguet, aỹem 'aua'añaqchet qataq dalaxaic 'anqa'en da ỹa'añaxac.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Salmos 22:5

'Am iỹaxanot co'ollaxa da 'autauan, nache 'ausouec somayepi, somayepi ỹataqta 'am pe'etega co'ollaxa, qaq ỹoqo'oye saishet da 'auauo'o ca la'aloxo.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Salmos 79:11

Ñaq 'aulo'oguet qome da nachoxonnaxac na ncoñeteguishecpi, qataq 'anca'alaxatec, 'aurolec da lta'araic 'ara'añaxac, nam taỹa'a da nalaataguec.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Hechos 7:34

Aỹem semeteetac da nque'eenaxac ye ỹalaqpi maye hueta'a ye 'alhua Egipto qataq Aỹem sa'aqtega da nqui'ic yemayepi. Ỹoqo'oye Aỹem senotec da yaqto' sesoueeguesop da la'añaxac na Egipto le'ecpi. Qaq ỹoqo'oye 'anaỹamaxat cha'aye 'am samaq da 'anqo'ona ye 'alhua Egipto.»

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

Génesis 22:16

nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,

Génesis 26:2

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 35:12

Qaq na 'alhua maye sanem co'ollaxa so Abraham qataq so Isaac, qalaq nataqa'en 'am sanem, qataq ca 'am chegoxoguetpi.»

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

Salmos 102:2

Saishet qome da aỹem 'anqañoxocheesop da sootapoigui da ỹaquicoxo, ñaq aỹem 'aua'axaỹa qataq sa 'anaỹaloxon da aỹem 'auasateguet da 'am seỹaxana.