Éxodo 2:23 - La'aqtaqa Ñim Lo'onatac 'Enauacna 2013

²³ Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Éxodo 2:23 Referans Kwoze

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Hechos 7:30

Qaq co'ollaq inoxoore'c soua cuarenta vi'iye, qaq so Moisés hueta'a ye toolec 'alhua maye saqaỹapeque añi qaỹoqotcheguemec 'alhua le'enaxat Sinaí. Huaña, nache nachaxana somaye so namaxashec piguem le'ec huetaigui aso qo'oipaq 'ettaigui.

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

Isaías 19:20

Qaq damaye la'anaxat da yaqto' 'enauac ye 'alhua Egipto, saishet da icoua'ai Ñim Nataxala' maye qaica ca Ỹaqalanapec. Qaq yemayepi qom iỹaxanot Ñim Nataxala' da itauan souaxat nam sa iyacnapec yemayepi, nache Ñimaye namaq qome ca lca'alaxaqui da yaqto' iueelec qataq nca'alaxatec.

Salmos 18:6

Qaq co'ollaq souaigui da iuogoxo nache seỹaxana Ñim Nataxala', seỹaxanot da aỹem itauan Ñim Lo'onatac 'Enauacna, qaq Ñimaye aỹem hua'axaỹa co'ollaq huaña añi atamnaxaqui maye lalamaqte, cha'aye da ỹa'alaxac ishet da ivira'a da hua'axaỹa Ñimaye.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Deuteronómio 24:15

Qaq camaye nacheye ye na'a'q da 'ausheeten aca laueque, da ñaq saxanaxa inoxooñi añi nala', cha'aye camaye choxoraq qataq iuen aca'aca laueque da yaqto' deque'etac. Ten qom iỹaxanot Ñim Nataxala' da 'am talec naqa'en ca qauem, nache huo'o qome ca 'arasouaxashet.

Éxodo 4:19

Qaq co'ollaq ñaq netaña ye 'alhua Madián so Moisés, nache Ñim Nataxala' 'enapego', 'eeta': «'avi'eguelaxa qome ye Egipto, cha'aye mashe ileu 'enauac yem ỹauotaique da 'am ỹalauat.»

Génesis 4:10

Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Éxodo 7:7

Qaq so Moisés mashe ivi' soua ochenta vi'iye da nachaalataxac, qaq so Aarón mashe ivi' soua ochenta y tres vi'iye da nachaalataxac, co'ollaq detaxairapegue' so faraón.

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Éxodo 1:14

Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

Éxodo 6:5

Qaq ỹoqo'oye nagui aỹem saỹaten da na Israel le'ecpi, ỹataqta huo'o da nque'eenaxac souaxat da na Egipto le'ecpi ỹamaxalec na qapa'atta lo'onatac. Qaq ỹoqo'oye aỹem tachigui ye iuel de'era ñaỹamaxataxac.

Éxodo 6:9

Nache so Moisés ỹa'axatem de'era so Israel le'ecpi. Qalaxaye somayepi saishet co'ollaxa da ỹoqocha'a, cha'aye mashe saqca ca la'añaxac souaxat da qapa'atta nlataguec.

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.

Da na'aqtaguec so Job 35:9

Cha'aye 'enauac na shiỹaxauapi, ỹa'alaqtac souaxat da saqaiyacnapec, nache iỹaxaataique ca ishet da nca'alaxateeguesop na 'añaxaicpi.

Salmos 102:1

'Am Nataxala', ñaq 'aua'axaỹa qome da ñatamnaxac, ñaq 'am iviro'ot qome da iỹaxanaxac.

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»

Salmos 102:2

Saishet qome da aỹem 'anqañoxocheesop da sootapoigui da ỹaquicoxo, ñaq aỹem 'aua'axaỹa qataq sa 'anaỹaloxon da aỹem 'auasateguet da 'am seỹaxana.