Éxodo 2:22 - La'aqtaqa Ñim Lo'onatac 'Enauacna 2013

²² Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Éxodo 2:22 Referans Kwoze

Hechos 7:29

Nache so Moisés co'ollaq hua'axaỹa de'era, nache datauec, nache taỹa ye toolec 'alhua le'enaxat Madián, nache naña, 'eeta'am ca shiỹaxaua maye ỹaqa'a ca chegaqa'ague. Huaña, nache huo'oi soua dos llalqa.

Éxodo 22:21

Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Salmos 119:19

Cha'aye aỹem sachegaqauec da soota'a ne'ena 'alhua, qaq saishet qome da aỹem 'oxocheesopa naua 'aramaxasoxonaxaco.

1 Crónicas 29:15

Cha'aye da 'am souaqto'ot, nache shenaqta'am cam chegaqauecpi da sa qaỹaloq da jec, 'eeta'am som hua'au qarta'alpi, qataq da qanachaalataxac da souaqtalec ana 'alhua, 'eeta'am ca lpaqal maye saq 'eetai'.

1 Crónicas 16:20

maye chochaq tateua'alo co'ollaxa na ỹotta'a't 'alhuapi, qataq quetagui som ỹotta'a't nta'alpi,

Salmos 39:12

«'Am Nataxala', ñaq 'aua'axaỹa da ñatamnaxac, ñaq 'auqoche'eguet da iỹaxanaxac, saishet da sa 'aua'axaỹa da ñenoinaxac cha'aye 'eeta'am 'anqa'en aỹem ca ỹaqa'a ca chegaqa'ague, sheeta'am ca qoỹo maye chochaq queta, sheeta'am co'ollaxa som sachegoxoguetpi.

Éxodo 2:10

Qaq co'ollaq ivita da mashe ỹechigui so nogotolec, nache asomaye iroua'a aso llale so nta'a, qaq asomaye nache ỹacona da yaqto' ỹaqchet qataq nache 'eco' maiche lalamaxat llalec, nache ỹanagui da le'enaxat Moisés, cha'aye 'enapeco': «Aỹem ñeqatta, sachegoxotangui so tala.»

Génesis 23:4

«Aỹem na'aictoxo' da sachegaqauec da qami' soota'agueta, qalaxaye sauotaique da aỹem qaumiñiỹot ca 'alhua da yaqto' lma' na ỹaqatacpi, yaqto' selayiñi ayem ihua maye saqaca.»

Éxodo 4:20

Nache so Moisés ỹauec aso lhua, qataq so llalec nache ỹanaxanaxaleguete so 'ashena. Ime, nache ỹe'eguelaxa ye Egipto. Nache ỹachetac aso lashelte maye lalamaqte Ñim Lo'onatac 'Enauacna.

Levítico 25:23

Qaq ca 'alhua saishet da ỹoqta qaimen, cha'aye 'enauac camaye ỹalamaxat, qataq ye qami' saishet da nache 'eetai' da qoñiitalec camaye, cha'aye qami' qoñiita'am ca chegaqauec maye choche ñamaxasoxoic.

Jueces 18:30

Nache so daniitapi ỹanaña yemaye so lqolac ne'enaqtac 'epaq da yaqto' natamnot somayepi, nache ỹauo'o ntaxaỹaxanaxanec so Jonatán, som llalec so Guersón maye laual so Moisés. Qaq huaña co'ollaxa nache se'eso chegoxoguetpi somaye nache ntaxaỹaxanaxanecpi da ilotague' so chegoxoguetpi so Dan, nache ivitta'a co'ollaq noxonecpi somayepi.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»