Éxodo 2:20 - La'aqtaqa Ñim Lo'onatac 'Enauacna 2013

²⁰ Nache so Reuel qaltaq inatta'ape soua llalel, 'eeta': «¿Qaq hua'ague ca hueta'ague que'eca ỹale? ¿Ta'ainco' ye qaualache da yaqto' ndotec camaye? ¡Qauesomiỹa, ña qanaviquiiuo yaqto' deque'e!»

Éxodo 2:20 Referans Kwoze

Génesis 31:54

Qaq ime, nache so Jacob, ỹo'ot aso lachetaqtaxanaqte ỹavigaxatta, hualec naqa'en aso qasoxonaxa. Ime, nache iỹaxana som lauo' le'ecpi da lquia'axaua. Qaq 'enauac somayepi deque'e co'ollaxa, qataq nache lo'ochaqa' so pe asa'aso qasoxonaxa.»

Génesis 43:25

Qaq soomaye ỹaqataxaatrai' so lachetaqtaxanaxa't, nache iuattra'aguet so José da nvireuo se'eso na'a'q laiñi, cha'aye soomaye mashe ỹaỹate'n da nache huaña yemaye da deque'e'.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Da na'aqtaguec so Job 42:11

Nache 'enauac so lqaỹañecpi ỹalleppi, 'alpi, nauochaxauapi qataq 'enauac som togoshec nauattonaxauapi, nqo'ona somaye nache qaỹauaxaiguet somaye da qaỹo'ot so nquia'axac huaña so lma'. Nache ỹataqta qaỹa'añaqchettac somaye, souaxat so nque'eenaxac maye namaxa co'ollaxa Ñim Nataxala', nache ñi 'oonolec somayepi huo'o na ỹanem ana qalota alom plata qataq ana nchiguishaqte oro.

Da na'aqtaguec so Job 31:32

qataq na chegaqauecpi saishet da huo'o ca do'ochauga ñaqa'en na nqa'aic, qataq saishet da sa sauatoigui ñi lasom ñi ima' da yaqto' pa'auo ca queuoxoic.

Génesis 18:5

Cha'aye mashe qananaitelec na lma' nam qaramaxashequi, qaq ishet da huo'o ca qami' ñerougalo da yaqto' qauqui'ii, yaqto' huo'o da qara'añaxaqui qom qaltaq qoquii.» Nache soomaye, 'ena'apo': «Aja', ỹaỹamaqchiguiñi.»

Génesis 29:13

Qaq so Labán co'ollaq hua'aqchigui da qaỹa'axat so Jacob som llalec aso lqaỹa Rebeca, nache nqalgoqta da ca'ateuga, nache nqapale' qataq napigoxoi', nache ỹauegueua'a so lma'. Qaq huaña, nache so Jacob da'aqtaxaatapeguem so Labán 'enauac da huaigui somaye.

Éxodo 2:19

Nache asomayepi 'enapeco': «Qomye huo'o so Egipto le'ec qomi' iueeleguete da npa'axaneguet so laỹe qagueta lo'opi. Ime, nache nqatsheguem so 'etaxat, nache nỹomaxan aye qarelo qaguetapi.»

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.