Éxodo 2:2 - La'aqtaqa Ñim Lo'onatac 'Enauacna 2013

² Qaq co'ollaq mashe qaỹoqteguelo soua na'axa'te nache asomaye hualaxai, ime nache huo'o so llalec ỹale. Qaq co'ollaq ilalec da ỹataqta 'onaxaicolec, nache asomaye tres ca'agoxoiqa da ỹoxottapiguiñi.

Éxodo 2:2 Referans Kwoze

Hebreos 11:23

Soua lta'al so Moisés huo'o da lpi'iỹaxa'c Ñim Lo'onatac 'Enauacna, ỹoqo'oye co'ollaq ñiguiñi somaye, nache ivi't tres ca'agoxoiqa da ỹoxottrapiguiñi. Qaq so nta'a maye ilotague' na netaña ye Egipto, damaxasoxoolec co'ollaxa da qaỹalauat 'enauac na ñaqpiolec maye ỹalleppiolec nam Israel le'ecpi. Qalaxaye soua lta'al so Moisés ilora'a da ỹataqta 'onaxaic somaye, nache saishet da ñe'etrega so nta'a, cha'aye huo'o da lpi'iỹaxa'c Ñim Lo'onatac 'Enauacna.

Hechos 7:20

Qaq se'eso na'a'q, nache huetoigui da ñiguiñi so Moisés. Qaq se'eso nogotolec, somaye ỹataqta lauotaxat Ñim Lo'onatac 'Enauacna, nache soua lta'al ivi't naua tres ca'agoxoiqa da ilotrague' ỹaatraña ca lma't.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Éxodo 6:20

Qaq so Amirán huaroneguet co'ollaxa aso lasoro Jocabed. Qaq asomaye nachaso aso late'e so Aarón qataq so Moisés. So Amirán ivi' soua ciento treinta vi'iye da nachaalataxac.

Números 26:59

Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María.

Deuteronómio 33:16

qataq da ỹataqta no'on alaỹaxac na 'alhua, qataq da sa qoue ana ala na nañiguishec, chegoqchigui da maiche 'eetapeguec Ñim netaigui co'ollaxa asotai' 'epaqole maye 'ettaigui. Nache 'enauac damaye talec naqa'en so José, som qaiỹotauga maye chegaqaigui so lqaỹañecpi.

1 Samuel 16:12

Nache so Yesé damaxasoxoneuga somaye, qaq se'eso nogotolec ỹataqta qovioxoraic, 'onaxaic, qataq nalochiguiñi da lataxac. Nache Ñim Nataxala', 'enapega so Samuel, 'eeta': 'Ena na lleca'aguishec. Qaq ỹoqo'oye qoñisheguem qome, nache 'aucorelec da yaqto' nta'a.

2 Reyes 11:3

Qaq ivi' seis vi'iye co'ollaxa da qoỹoxottapiguiñi so Joás, qataq asom 'alo maye ilotague' somaye, netraigui aso atamnaxaqui maye lalamaqte Ñim Nataxala', qaq asom Atalía, nache ilotague' co'ollaxa yi'iye 'alhua.