Éxodo 2:15 - La'aqtaqa Ñim Lo'onatac 'Enauacna 2013

¹⁵ Qaq so faraón co'ollaq ỹaỹaten da so Moisés ỹalauat so Egipto le'ec, nache damaxasoxoolec da qanmitaique da yaqto' nataqa'en qaỹalauat. Qalaxaye so Moisés mashe datauec, nache taỹa ye 'alhua Madián. Qaq co'ollaq ivi', nache netaña ye saqaỹapeque aso ñi'illoxoqui.

Éxodo 2:15 Referans Kwoze

Hebreos 11:27

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.

Hechos 7:29

Nache so Moisés co'ollaq hua'axaỹa de'era, nache datauec, nache taỹa ye toolec 'alhua le'enaxat Madián, nache naña, 'eeta'am ca shiỹaxaua maye ỹaqa'a ca chegaqa'ague. Huaña, nache huo'oi soua dos llalqa.

Génesis 24:11

nache nmataxaarec soua cameello, huaña som pa'auec so huaqta'a't nỹecpi, maye saqaỹapeque aso nshere maye huo'o na le'ec 'etaxat. Qaq nacheso som laloqo', da som qa'ampiolec taxaama aso ñi'illoxoqui da ilaique 'etaxat.

Génesis 29:2

Qaq co'ollaq ivita so no'onaxa, nache ila'a aso nshere, qaq som saqaỹapeque asomaye nache hueta'a aso qaguetapi maye tres soua laponaqa'ate, cha'aye so shiguiỹacpi nache nỹomtapigui naxa asomaye. Qaq na alap asa'aso nshere huo'o so lapoxot coma' lta'araic.

Juan 4:6

Qaq co'ollaq mashe laiñi so na'a'q, nache So Jesús ỹataqta nasamñi souaxat da lqueuoxoc. Ỹoqo'oye Somaye nso'oolec na laỹe aso nshere,

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Proverbios 22:3

Ca huo'o na ỹaỹaten da ila'a ca lchec nache naneltaxaneguet, qaq ca qaica ca ỹaỹaanapec qalaq nache queta ime qaq maiche nque'etaxangui camaye.

Éxodo 4:19

Qaq co'ollaq ñaq netaña ye 'alhua Madián so Moisés, nache Ñim Nataxala' 'enapego', 'eeta': «'avi'eguelaxa qome ye Egipto, cha'aye mashe ileu 'enauac yem ỹauotaique da 'am ỹalauat.»

Génesis 25:4

Qaq soua llalqa so Madián: Efa, Efer, Janoc, Abidá qataq Eldá. Qaq 'enauac se'esopi da chegoxoguet aso Cetura.

Génesis 25:2

Qaq asomaye huo'oi soua llalqa: Zimram, Jocsán, Medán, Madián, Isbac qataq Súaj.

Éxodo 18:4

qaq so lỹa le'enaxat Eliezer, cha'aye 'enapeco': «Ñim Natamnaxala' so ita'a aỹem itauan qataq aỹem nca'alaxateeguesop so lainec so faraón».

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.