Éxodo 2:14 - La'aqtaqa Ñim Lo'onatac 'Enauacna 2013

¹⁴ Nache se'eso hebreo le'ec 'enapeco': «¿Negue't ca 'am ỹanagui da 'am qarataxala' qataq da qomi' 'anmi't? ¿Qalqo' 'auauotaique da aỹem 'aualauat da 'eeta'am 'anqa'en so 'aualauat co'ollaxa Egipto le'ec?» Qaq co'ollaq hua'axaỹa de'era so Moisés, nache ỹataqta huo'o da lcolanaxa, cha'aye tachigui lauel da mashe ya'aqlec da l-leuaxa se'eso lalaatac Egipto le'ec.

Éxodo 2:14 Referans Kwoze

Lucas 12:14

Qalaxaye So Jesús 'enapega, 'eeta': –'Am shenapega, ¿negue't ca Aỹem ỹanagui da saỹamaxaañi cam qancotaitapigui, huo'otaq da secolaxachigui da nsallaxa?

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Génesis 19:9

Qalaxaye somayepi 'enapeco': «¡Ñaq qoca'ai ne'ena! Maye isheto' peta'a da ca chegaqauec maye 'eeta'am 'am, da qomi' ỹama'q. Qaq nagui qalaq ỹactec da saishet da 'am seyacnaqapec, nache saishet da qoneta'ama ñeqa'ena'q caamaye.» Nache somayepi saỹaỹaloxon da sa icherapec so Lot, nache nquigueua'a so lasom da yaqto' ỹamaxañi,

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 16:3

Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

Génesis 13:8

Qaq ỹoqo'oye huo'o so na'a'q, nache so Abram 'enapega so Lot, 'eeta': «'Am qataq aỹem, maiche qomi' nhuo' lashe'. Qaq ỹoqo'oye qomi' saỹaỹamaxañi da ñecotaqtega't, qataq da ncotatega't nam ilotague' ana 'arelopi, qataq nam ilotague' ana ilopi.

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Hebreos 11:27

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.

Génesis 34:27

Qaq nataqa'en ivildeuo co'ollaxa soua llalqa lỹa't so Jacob, nache quetragui so nalaatacpi, nache deuotaxanec so logoxoshetpi se'eso nhuo' le'ecpi, cha'aye ipalaique lvi' souaxat da ne'enaguec aso lqaỹa.