Éxodo 19:8 - La'aqtaqa Ñim Lo'onatac 'Enauacna 2013

⁸ Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.

Éxodo 19:8 Referans Kwoze

Éxodo 24:7

Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Nehemías 10:29

qataq huaxaiguet so lauo' le'ecpi, qataq so lataxala'pi somayepi, nache ỹan so la'aqtac da yaqto' ipactelec 'enauac na lqataxacpi Ñim Lo'onatac 'Enauacna, maye ỹachegoxotchigui co'ollaxa so lamaxashec Moisés, qataq da ỹalaxaguet na lamaxasoxonaxacpi, qataq da llec na lqataxacpi Ñim Nataxala' maye Qanatamnaxala'.

Josué 24:24

Nache so nhuo' le'ecpi, 'enapeco': «Qomi' so'onataxanaqot qome Ñim Nataxala' maye Qanatamnaxala', qataq so'otaq 'enauac na qomi' ỹamaxaleguete.»

Éxodo 20:19

Huaña, nache 'enapega so Moisés, 'eeta': «Nache 'amta qome qomi' 'autaxaỹapegueto. Ime, qaq 'am salaxasoxoguet. Qalaxaye saishet qome da qomi' detaxaỹapegueto Ñim Lo'onatac 'Enauacna. ¡Ten, qom seleuaq!»

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Josué 24:21

Nache so nhuo' le'ecpi qaỹasategueto' so Josué, 'eeta': «Saishet da shenaqtec qome de'era, cha'aye qomi' so'onataxanaqot qome Ñim Nataxala'.»