Éxodo 19:6 - La'aqtaqa Ñim Lo'onatac 'Enauacna 2013

⁶ Nache qami' ltaxaỹaxanaxanecpi ñaqa'en na ỹotta'a't shiỹaxauapi da Aỹem qaitaxaỹapegue', qataq qami' nhuo' le'ecpi maye seỹotauga da Aỹem do'onataxanot. Qaq 'era qome da 'aua'axatem na Israel le'ecpi».

Éxodo 19:6 Referans Kwoze

Apocalipsis 5:10

Nache 'aỹa'anagui da nta'alpi qataq ntaxaỹaxanaxanecpi da qaitaxaỹapegue' Ñim Lo'onatac 'Enauacna; Namayepi ilo'ogue 'enauac na shiỹaxauapi maye huetalec ana 'alhua.»

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

Deuteronómio 7:6

Cha'aye qami', ỹataqta qami' qaiỹotaugalo da qami' lalamaqa'ate Ñim Nataxala' maye Qanatamnaxala'ai. Qataq Ñimaye qami' lca'agui'she co'ollaq lca'agui 'enauac na shiỹaxauapi ana 'alhua da yaqto' qami' lalamaxatpi.

Deuteronómio 28:9

Qaq qom ỹataqta 'aualaxaguet na lamaxasoxonaxacpi, qataq qoquetelec da lataxac da llecỹaxac Ñim Nataxala' maye 'Anatamnaxala', nache ỹataqta 'itchiguiñi naqa'en da 'am iỹotauga da ỹataqta 'am lalamaxat, qataq ipacchigui da 'am ỹachaxanapeguem co'ollaxa.

Isaías 62:12

Qaq na Israel le'ecpi qaỹamata'ac qome da: «Nhuo' le'ecpi Qui'itta» «Nam isouecpi, co'ollaxa Ñim Nataxala'», qaq na Jerusalén qalaq qaỹamata'ac da «Huaqta'a't nỹecpi maye nqopitaxat» «Huaqta'a't nỹecpi maye saishet da qaỹalat.»

Deuteronómio 26:19

Qataq Ñimaye 'am ỹo'otec qome da 'anapacalec 'enauac na ỹotta'a't shiỹaxauapi maye lo'onatacpi, yaqto' 'am qaỹo'oxoren. Qataq no'on da 'ana'aqtaguec cha'aye 'am iỹotauga da 'am lalamaxat Ñim Nataxala', maye 'Anatamnaxala'.

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

1 Corintios 3:17

Qami' maye qami' lalamaqa'ate lma' Ñim Lo'onatac 'Enauacna, qaq ỹoqo'oye da huo'o ca nlaxaañi namaye, nache Ñim Lo'onatac 'Enauacna nataqa'en nlaxaañi camaye.

Isaías 61:6

Huaña nache qami' qaỹamata'aque qome da qami' ltaxaỹaxanaxanecpi Ñim Nataxala', qataq qami' lamaxa'she Ñim Qanatamnaxala'. Qataq qolliquiitac qome nam ỹataqta no'on nallec maye chegoqo'ot na ỹotta'a't shiỹaxauapi qataq qami' iyaquen dam lyac namayepi.

Levítico 20:26

Nache qami' qome ỹataqta qui'itta da qarataxaqui, qaq 'era da ỹa'aqtac, Aỹem Nataxala' maye ỹataqta qui'itta da ỹataxac. Ỹoqo'oye qami' seỹotaugalo da yaqto' qami' ỹalamaqa'ate qataq qami' ỹataxaraiqa ñaqa'en da qoviitangui na ỹotta'a't shiỹaxauapi.

Deuteronómio 14:21

Qalaxaye saishet qome da qollequi ca shiguiỹac leuaxaic, nacherata da qaỹa'añim da chec ca chegaqauec maye qami' netaiguilo, huo'otaq qaumiñiỹot ca lỹa chegaqauec maye chochaq queuoxoic, cha'aye Ñim Nataxala' maye Qanatamnaxala'ai, qami' iỹotaugalo da ỹataqta qami' lalamaqa'ate, ỹoqo'oye saishet da qauallicñiiguet na lche' aca late'e, ca quetaq llalec da qaỹa'añiiuaq.

Levítico 21:23

Qalaxaye saishet da inoxoneua'a ye pa'auo ñi napoxonaxat ye ñegueuo ñi lpe'l, qataq saishet da taua'a añi nca'atoxonaxalate, cha'aye camaye huo'o ca lque'emaxa, nache saishet da ishepaxanaqchet ye ỹanataqa'. Cha'aye Aỹem Nataxala' maye sanem camayepi da Aỹem do'onataxanot.»

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.

1 Ts 5:27

Cha'aye aỹem lamaxashec So Qarataxala', qaq nagui qami' seqatalo da qautaxaỹaxañi ana ỹere da na'axaỹaxana 'enauac qanqa'eñi na qarqaỹañicpi.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Éxodo 22:31

Qataq qami' maye qaiỹotaugalo da ỹataqta qami' ỹalamaqa'ate. Saishet qome da qollequi na lapat ca ltoc ca shiguiỹac maye dequi'iỹapec, nacherata da qauasaqaiỹot ca pioxoppi.»

1 Reyes 3:8

Qalaxaye nagui aỹem datalec ne'ena nhuo' le'ecpi maye 'arca'aguishec co'ollaxa, nam shiỹaxauapi maye qalota, qaq souaxat da ỹataqta qalota nache qaica ca ivi' da naloqten.

1 Reyes 8:53

Cha'aye 'Am Nataxala', 'auỹotauga co'ollaxa namayepi da yaqto' 'aralamaxatpi, co'ollaq ỹalecta'aguet na ỹotta'a't shiỹaxauapi ana 'alhua, cha'aye nachera da 'ara'aqtac co'ollaq qonapega som 'aramaxashec Moisés, co'ollaq 'anqateeguesop ye Egipto so qarta'alpi.»

1 Crónicas 17:22

Cha'aye 'am, 'auacona co'ollaxa da 'aralamaxat na Israel le'ecpi, yaqto' chochaq tatec da 'aralamaxat namayepi, qaq 'Am Nataxala', nache 'am da 'Am Natamnaxala' namayepi.

Isaías 43:4

cha'aye 'am samaateguet qataq lta'araic ñaqa'en da naigui 'am, qataq aỹem 'am sauotec. Nache sanec qome na ỹalleppi da nmeneguet ñaqa'en 'am, qataq nam ỹotta'a't shiỹaxauapi da nmeneguet ñaqa'en da 'anachaalataxac.

Isaías 66:21

Qaq namayepi, nataqa'en huo'o qome ca lleca'aua'a, da yaqto' ntaxaỹaxanaxanecpi qataq ntaunaxanaq 'eeta'am na leviitapi. Qaq 'era da ỹa'aqtac Aỹem Nataxala'.

Jeremías 2:3

Qaq na Israel ỹataqta aỹem nañanot co'ollaxa, nachena na ỹataqta la'auaxanec ala na ỹañiguishec. Qaq naxa da huo'o na ỹo'otec da qauem namayepi, nache aỹem sauo'o da nhuaxanaguec, ñamaxa na qauem. Qaq 'era da ỹa'aqtac, Aỹem Nataxala'.

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Jeremías 13:11

Qaq cha'aye dam 'eetec ca saataxaqui da ipataqta't na lasot ca shiỹaxaua, qaq nachera da sheetec co'ollaxa nam nhuo' Israel le'ecpi, qataq 'enauac na nhuo' le'ecpi ye Judá, da ỹataqta na'attaua'a Aỹem da yaqto' ỹalamaxatpi, qataq da ỹachaxan da ỹe'enaxat, qataq da chegoqchigui namayepi da huo'o naq 'enec qanqa'en Aỹem qataq da ỹo'oxoyec. Qalaxaye namayepi saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Éxodo 28:36

«Nataqa'en 'auo'ot qome ca lapaqaic na lcat oro, nache 'erelec camaye da na'aqtac, 'eeta': ‹Qaiỹotauga da lalamaxat Ñim Nataxala'›.

Números 16:3

Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

Salmos 114:2

Ye Judá ivira'a da naña so lanataqa' Ñim Nataxala', qataq ivira'a da ilo'ogue ye na'alhua so Israel.

Hageo 2:5

Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.