Éxodo 19:21 - La'aqtaqa Ñim Lo'onatac 'Enauacna 2013

²¹ Nache Ñim Nataxala' 'enapega, 'eeta': «'aunotec qome, nache 'auqata ye Israel le'ecpi da saishet da napacalec na loga'tpi na na'anec, qataq qonapega da saishet da nshetaique da aỹem ỹauaachigui. ¡Ten qom qalota ca ileu yemayepi!

Éxodo 19:21 Referans Kwoze

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.

Éxodo 3:5

Nache Ñim Lo'onatac 'Enauacna 'enapeco': «Saishet da 'anquigueuo. Qataq 'anqa't naua 'arapela'ate, cha'aye nam 'alhua maye 'auapetalec, namaye ỹataqta qui'itta.»

Eclesiastés 5:1

Da ivita da 'anqo'oneua'a añi atamnaxaqui maye lalamaqte Ñim Nataxala', qaq iuen da 'antelañi: saishet da 'aỹa'aneuo ca 'arachetaqtaxanaxat da 'aue'enaxat nam shiỹaxauapi maye qaica ca ỹaỹaanapec, da saq noma da saỹaỹamaxañi de'era ỹo'ottac, nacherata da 'anquicot Ñimaye, qataq 'am lhuotta da 'aualaq.

Éxodo 33:20

Qalaxaye 'am sa'aqtaxaatem da saishet qome da 'aulogui da ỹashiguiỹaxac, cha'aye qaica ca shiỹaxaua da ilogui da ỹashiguiỹaxac, nache queta da nca'altauec.»

Éxodo 3:3

Nache deuennataxaatac, 'eeta': «¡Ỹataqta qaica ca 'eeta'am dattaxa! Ña semeenaxano' chaq ta'ainec ye saishet da ỹavic ara'ara qo'oipaqole.»

Números 4:20

Yaqto' namayepi saishet da huo'o ca huaña da pa'auo, da choche imeten ca nogoxoshetpi maye sa qaishetapec, cha'aye da 'eetec de'era nache ileu.»

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:18

«Saishet qome da qauashiñi da imeuo na maiche nalamaxat nhuo' le'ecpi, maye chegoxoguet so Quehat, da ỹalectaigui na leviitapi.

Números 4:19

Qaq da yaqto' saishet da ileu namayepi, souaxat da ỹasheleua'a ca nogoxoshetpi maye sa qaishetapec, nache namayepi ỹo'ot qome de'era 'eeta': So Aarón qataq soua llalqa, ỹapaxaguenec qome ñi 'oonolec namayepi ca lo'onataxanaxac qataq cam ishet da ỹache.