Éxodo 19:20 - La'aqtaqa Ñim Lo'onatac 'Enauacna 2013

²⁰ Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Éxodo 19:20 Referans Kwoze

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Éxodo 34:4

Nache so Moisés ỹo'o't soua dos coma'ye, ỹe'enaxatchiguilo soua hua'auchiyiñi. Qaq so nte'etom so lỹa na'a'q, nache ỹaconalo da yaqto' ỹache' soomaye, nache tasheguema añi qasoxonaxa Sinaí. Nache ipacchigui da la'aqtac Ñim Nataxala'.

Éxodo 34:2

Qataq 'anaỹamaxattac qome, cha'aye qonte' nte'eta nache 'asheguema añi qasoxonaxa Sinaí. Yaqto' Aỹem 'anauane' da huaña ye ỹataqta qaỹoqotcheguema ana lmilo añi qasoxonaxa.

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Deuteronómio 33:2

'eeta': «Ñim Nataxala' chegoqtelec añi Sinaí, nache qomi' icoỹareleguete hualec añi Seír. Qaq na lqashelgaxa qalaq chegoqtelec aye qasoxonaxapi ye Parán, nache ivira'a ye Meribá Cadés, qaq na aloiguishec lhuaq, nache 'ettaigui so nasoqta'a nqataxacpi.

1 Reyes 19:11

Nache Ñim Nataxala', 'enapeco': «Ñaq 'ampa'auec, nache aỹem 'auataỹot da qoueta'a ana'ana qasoxonaxa.» Qaq Ñim Nataxala', nache nateuga co'ollaxa yemaye, huaña nache anac so la'at lta'araic, nache depoqogui naqa'en aso qasoxonaxapi, qataq dolagui naqa'en aso coma'pi, qalaxaye Ñim Nataxala' saishet da huetaigui se'eso la'at. Qaq co'ollaq ỹoxogue se'eso la'at, nache huo'o so nacholaxanaxa, qalaxaye Ñim Nataxala' ñaqaiyeta saishet da huetaigui somaye.

Éxodo 24:15

Qaq co'ollaq ime, da la'aqtac so Moisés, nache tasheguemec aso qasoxonaxa, qaq asa'aso qasoxonaxa ỹataqta nauequeelec so lo'oc.