Éxodo 19:18 - La'aqtaqa Ñim Lo'onatac 'Enauacna 2013

¹⁸ Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Éxodo 19:18 Referans Kwoze

Jueces 5:5

Cholaxan añi qasoxonaxa co'ollaq nayeeta'a Ñim Nataxala', ỹataqta cholaxan añi Sinaí co'ollaq nachaxana Ñim Natamnaxala' na Israel le'ecpi.

Salmos 144:5

'Am Nataxala', ñaq 'auauatec qome na piguem nache 'aunotec, nache 'apoteua'a ana qasoxonaxapi yaqto' nchisheguem ca lmala'q.

Apocalipsis 15:8

Nache asa'aso no'onaxanaxaqui ỹataqta nlaqchigui na lmala'q maye chegaqaigui dam la'amaqchec qataq da la'añaxac Ñim Lo'onatac 'Enauacna. Huaña, nache saishet da huo'o ca qaỹashenem da pa'aigui aso no'onaxanaxaqui qom saxanaxa da nvi' se'esoua siete napaxaco maye ỹacheta'ape soua siete namaxa'she piguem lashe'.

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Jeremías 4:24

Qataq samato'ot ana qasoxonaxapi nache ỹataqta cholaxaatac, qataq 'enauac ana lcomaraxalatepi da ỹataqta iviloxoltac.

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Salmos 104:32

Qaq Ñimaye da ỹamatalec ana 'alhua nache anamaye cholaxan, qataq da ipoteua'a ana qasoxonaxapi nache nchisheguem naqa'en.

Deuteronómio 33:2

'eeta': «Ñim Nataxala' chegoqtelec añi Sinaí, nache qomi' icoỹareleguete hualec añi Seír. Qaq na lqashelgaxa qalaq chegoqtelec aye qasoxonaxapi ye Parán, nache ivira'a ye Meribá Cadés, qaq na aloiguishec lhuaq, nache 'ettaigui so nasoqta'a nqataxacpi.

Deuteronómio 5:22

Qaq 'ena na la'aqtacpi maye na'axannec da nasaxauec co'ollaxa Ñim Nataxala' co'ollaq qoviito'ot na loigue añi qasoxonaxa, Ñimaye chemaqtapoigui so norec maye huetaigui so sansatchiguiñi qataq napalñi lo'oc. Qaq co'ollaq ime ne'ena la'aqtacpi, nache ỹereleguete soua dos coma'ye, nache aỹem ỹanema.

Éxodo 24:17

Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Isaías 6:4

Qaq da l-lamaxa da lavilỹaxa'c soomaye, ỹataqta cholaxan naqa'en soua laso'omi aso atamnaxaqui, qataq so lmala'q nlaxagui asomaye.

Génesis 15:17

Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Hebreos 12:18

Qami' saishet co'ollaxa da qanquiquiiua'a añi saqaỹoqotcheguemec 'alhua maye le'enaxat Sinaí, añim ishet da qaila'a qataq qaipoteua'a maye huetalec nataqa'en so norec maye 'ettaigui, qataq so napalaxa qataq so la'at lta'araic.

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Mateo 24:7

Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Salmos 114:7

'Am 'alhua ñaq 'am cholaxan da qoueto'ot Ñim Nataxala', ñaq 'am cholaxan da qoueto'ot Ñim Natamnaxala' so Jacob.

Salmos 77:18

Nache qaỹa'axaỹa na lalataxa Ñimaye, chemaqtapoigui ana daua'ache, nache ana 'alhua yo'oqchiguiñi souaxat na lqashelgaxa, nache ana 'alhua deraỹapec souaxat na nacholaxanaxa.

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Éxodo 19:13

Qalaxaye saishet qome da huo'o ca irolec na lhuaq camaye da ỹalauat, cha'aye camaye da qaỹalauat, nache qairolec ca coma' huo'otaq aca checna. Na'aictaxa da huo'otaq shiỹaxaua, huo'otaq shiguiỹac, camaye saishet da qanca'alaxattauec. Nato' qom qaỹa'aqchigui da l-lamaxa aca nasheere peenaq lcoue, nache ishet da qainotsheguemec añi qasoxonaxa.»

2 Ts 1:7

Qaq So Qarataxala' Jesús, qom ñe'eguelaq chegoqtot na piguem, nactaigui na le'eraxa ca norec qataq nnaictague' ca 'añaxaicpi lamaxashecpi piguem le'ecpi. Nache Ñim Lo'onatac 'Enauacna qami' ỹanema ca qaramaicỹaxaqui 'eeta'am da 'eetec naqa'en da shenaqta.

Apocalipsis 9:2

Qaq co'ollaq asomaye da ỹauatoigui so lasom so ñegueuo maye taỹaña ca ncoñetaxanaqa', nache chegoqchiguingui se'eso auac so 'eeta'am na lmala'q ana late'erai nqatelaxanaxaqui, qaq se'eso lmala'q, nache napalñi naqa'en, cha'aye ỹapolec añi nala'.

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Éxodo 19:17

Nache so Moisés nqateeguesopa naua lpele'ete so Israel le'ecpi, da yaqto' nauane' Ñim Lo'onatac 'Enauacna. Nache ỹauega da hueto'ot naqa'en na loigue aso qasoxonaxa Sinaí.

Éxodo 34:2

Qataq 'anaỹamaxattac qome, cha'aye qonte' nte'eta nache 'asheguema añi qasoxonaxa Sinaí. Yaqto' Aỹem 'anauane' da huaña ye ỹataqta qaỹoqotcheguema ana lmilo añi qasoxonaxa.

Deuteronómio 5:4

Ñim Nataxala' ỹataqta qami' datata'agueta da qami' detaqtacoto co'ollaq huetaigui so le'eraxa so norec, huaña añi qasoxonaxa.

Isaías 64:1

Qaq no'on taxa, da 'aucolaxata'ague na piguem nache 'aunotec, nache ana qasoxonaxapi cholaxan souaxat da 'arviraxac,

Deuteronómio 4:36

Qataq chegoqtot naqa'en na piguem da lavilỹaxac, nache qaua'aqaitega da qami' ỹapaxagueeta'ape. Qataq huaña naqa'en ana 'alhua da qami' ỹachaxanalo so lta'araic norec, qataq nache chemaqtapoigui somaye co'ollaq qaua'aqaitegalo naua la'aqtaqa.

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Salmos 18:9

Qataq ỹauachigui na piguem nache huenotec, nache petaigui so sansattec lo'oc.

Salmos 68:9

'Am Ñatamnaxala' 'auanacot co'ollaxa so lta'araic auot, nache na 'aralamaxat nhuo' le'ecpi ỹataqta nasamñi co'ollaxa, nache 'am 'aỹa'anem da la'añaxac.

Salmos 77:19

Nache 'auo'otegue so ñec huangui aso auaxai, nache 'aua'axasoxoolec na qalota 'etaxat, qalaxaye qaica da huo'o ca ỹanata so lliguiyiñi naua 'arapia'ate.

Salmos 114:4

Ana qasoxonaxapi qalaq parenaxaatagui 'eeta'am ca qagueta peenaqpi, qataq ana lcomaraxalatepi parenaxaatagui 'eeta'am ca qagueta llalaqpi.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.