Éxodo 19:17 - La'aqtaqa Ñim Lo'onatac 'Enauacna 2013

¹⁷ Nache so Moisés nqateeguesopa naua lpele'ete so Israel le'ecpi, da yaqto' nauane' Ñim Lo'onatac 'Enauacna. Nache ỹauega da hueto'ot naqa'en na loigue aso qasoxonaxa Sinaí.

Éxodo 19:17 Referans Kwoze

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Hechos 7:38

Qataq nacheso so Moisés som huetaigui som hua'au qarta'alpi co'ollaq huaña so toolec 'alhua. Qataq nacheso so detaqtague' so lamaxashec piguem le'ec Ñim Lo'onatac 'Enauacna co'ollaq huaña aso qaỹoqotcheguemec 'alhua le'enaxat Sinaí, qataq hueta'aguet som hua'au qarta'alpi. Qataq nacheso so ỹaconeguet co'ollaxa da na'aqtac maye chegaqaigui da nca'alaxa, da yaqto' qomi' ỹanema.

Éxodo 19:13

Qalaxaye saishet qome da huo'o ca irolec na lhuaq camaye da ỹalauat, cha'aye camaye da qaỹalauat, nache qairolec ca coma' huo'otaq aca checna. Na'aictaxa da huo'otaq shiỹaxaua, huo'otaq shiguiỹac, camaye saishet da qanca'alaxattauec. Nato' qom qaỹa'aqchigui da l-lamaxa aca nasheere peenaq lcoue, nache ishet da qainotsheguemec añi qasoxonaxa.»

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Levítico 9:5

Nache so Israel le'ecpi iroua'a co'ollaxa so npe'l 'enauac som damaxasoxoolecpi so Moisés, nache 'enauac so shiỹaxauapi nachattaua'a som lanataqa' Ñim Nataxala'.

Deuteronómio 4:11

Nache qami' qanquiquiiua'a co'ollaxa na pa'aguiñi añi qasoxonaxa, nache qauauañiichigui na le'eraxa so norec maye taỹot na piguem, nache nañigui na sa nsatchiguiñi lo'oc qataq napalñi,