Éxodo 19:16 - La'aqtaqa Ñim Lo'onatac 'Enauacna 2013

¹⁶ Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Éxodo 19:16 Referans Kwoze

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Hebreos 12:21

Qaq ỹataqta huo'o da lchec se'eso ilota'a somayepi maye netalec aso qaỹoqotcheguemec 'alhua, qaq ivira'a so Moisés 'enaco' da la'aqtac: «Ỹataqta aỹem iviloxolaqchet da icolanaxa.»

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 8:5

Nache se'eso namaxashec ỹacona aso 'eeta'am ana ỹomaxaqui late'erai, nache nlaxatchigui ana poqo 'ettaigui ỹachegoxotalec aso nca'atoxonaxalate. Ime, nache icorelec 'enauac ana 'alhua, ime, nache chemaqchiguiñalo na nllimiaxa qataq nqashelgaxa, qataq huo'o so lta'araic lacholaxanaxa ana 'alhua.

Apocalipsis 4:5

Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.

Salmos 77:18

Nache qaỹa'axaỹa na lalataxa Ñimaye, chemaqtapoigui ana daua'ache, nache ana 'alhua yo'oqchiguiñi souaxat na lqashelgaxa, nache ana 'alhua deraỹapec souaxat na nacholaxanaxa.

Da na'aqtaguec so Job 38:25

¿Negue't ca ỹauateguet da yaqto' anac na auot, qataq da ỹachaxana ca llec na la'at,

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Éxodo 19:9

Nache Ñim Nataxala' 'enapega so Moisés, 'eeta': «Aỹem, 'am ñachaxana qome, sootaigui ca sansattec lo'oc, yaqto' aỹem hua'aqchigui qome na shiỹaxauapi da 'am setaxaỹapegue', yaqto' namayepi nache 'eetai' qome da 'am ỹa'amaqten.» Nache so Moisés qaltaq ỹe'eguelaxalec da da'aqtaxanem Ñim Nataxala' da la'aqtac so shiỹaxauapi.

Éxodo 9:23

Nache so Moisés ỹachaxaasheguemec na piguem aso lashelte, nache Ñim Nataxala' namaq so nalataxa, nqashelgaxa qataq aso lache da talec na 'alhua ye Egipto.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Salmos 97:4

Na lqashelgaxa Ñimaye qalaq icoỹarelec ana 'alhua, nache ana 'alhua co'ollaq ila'a nache cholaxan.

Salmos 50:3

Ñim Qanatamnaxala' anac, qalaxaye saishet da paltalec, cha'aye Ñimaye na'auaxaata na norec maye nlaxaañi naqa'en 'enauacna, qaq naua laỹel Ñimaye qalaq dellimigui na lta'araic la'at.

2 Crónicas 5:14

Qaq souaxat se'eso napalñi lo'oc nache so ntaxaỹaxanaxanecpi saishet da queto'ot da ỹo'ot da llo'oxonnataxanaxac, cha'aye da llo'oxoyec Ñim Nataxala' ỹataqta nlaxagui asa'aso atamnaxaqui.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Mateo 24:31

Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:15

Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Éxodo 19:17

Nache so Moisés nqateeguesopa naua lpele'ete so Israel le'ecpi, da yaqto' nauane' Ñim Lo'onatac 'Enauacna. Nache ỹauega da hueto'ot naqa'en na loigue aso qasoxonaxa Sinaí.

Éxodo 20:21

Qaq so shiỹaxauapi co'ollaq ñaq qaỹatauga so hueta'a, nache so Moisés tasheguema so lo'oc maye ỹataqta napalñi, som huetaigui Ñim Lo'onatac 'Enauacna.

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

2 Samuel 22:10

Nache nquiguiñi naqa'en na piguem da huenotec. Nache petaigui so sansattec lo'oc.

Nahúm 1:3

Ñim Nataxala', ỹataqta qaỹoqchiguinguit da lalemataic, qalaxaye ỹataqta lta'araic da la'añaxac, nache saishet da sa ỹauo'o ca nhuaxanaguec cam huo'o ca lasouaxashet, Ñim Nataxala', Ñimaye quetaigui na la'at lta'araic, qaq nam lo'oc na piguem qalaq namoxoỹaxatsheguem naua lapia'ate, 'eeta'am na namoxoỹaxa.

Salmos 81:8

Ña qana'axaỹaxañiỹa da iviraqtaxanaxac qami' nhuo' le'ecpi maye ỹalamaxatpi. ¡Da iyoxo' da aỹem qana'axaỹañiỹa qami' Israel le'ecpi!