Éxodo 19:15 - La'aqtaqa Ñim Lo'onatac 'Enauacna 2013

¹⁵ Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Éxodo 19:15 Referans Kwoze

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Joel 2:16

nache qauauo'oi ca laponaxac na nhuo' le'ecpi maye lalamaxat Ñim Lo'onatac 'Enauacna, qataq nqui'itaxatta qanqa'eñi qome namayepi, qataq qauỹaxañiuga na nqueroxonecpi, ñaqpiolec qataq nam ñaq qaillepaxaatacpi, qataq qaupa'axañiiuec cam cheta'ague da huaron nataqa'en acam lhua!

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

Zacarías 7:3

qataq da inat so na'aqtaxanaxanecpi, qataq so ntaxaỹaxanaxanecpi maye ilotague' aso atamnaxaqui maye lalamaqte Ñim Nataxala' maye Qaica ca Ỹaqalanapec, 'eeta': «¿Peta'a nache qolaqto'ot da so'otaqtac da qaraquicoxo qataq da qanqouaqchetaxac da ivireuga so ca'agoxoic cinco ye 'oonolec vi'i, dam ñanaguenaqto'ot da so'otaqtac choche ivitta'a nagui?»

Zacarías 6:3

qaq aso lỹa qalaq lauegaxala'ate soua caỹol lapagaxaiqa, qaq aso pa'atec qalaq lauegaxala'ate soua caỹol ỹapagaqalec da lo'oxoỹaxa'c.

Amós 4:12

Qaq ỹoqo'oye qami' Israel le'ecpi nataqa'en qami' so'oteque qome de'era, qaq cha'aye so'ot qome damaye nache qanaỹamaxache da qauanaiua'a nam Qanatamnaxala'ai.

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Éxodo 19:14

Nache so Moisés huenoteeguesop aso qasoxonaxa da naỹamaxat naqa'en so shiỹaxauapi, da yaqto' ỹo'oxoren Ñim Lo'onatac 'Enauacna, qaq so shiỹaxauapi nataqa'en ỹataqta iỹote' naua alogo.

1 Crónicas 15:12

nache 'enapegalo, 'eeta': «Qami' maye qami' lataxala'ate nam llalaqpi na leviitapi, qami' qataq nam qarhuo'oi le'ecpi qanqui'itaxachiita qome, yaqto' ishet da qauache añi arca maye laỹe' naua lqataxaco Ñim Nataxala', maye Natamnaxala' na Israel le'ecpi, da qanqochenaxachiỹa ye lma' maye mashe seqataxanai',

Levítico 15:18

Qataq ca ỹale da hue'eguet aca 'alo, nache caamaye iue'n da nache'l, iỹoi' na lo'o'c ỹauota'a ca 'etaxat, qalaxaye caamaye saishet da qui'itte' iviraiguilo da pe.