Éxodo 19:13 - La'aqtaqa Ñim Lo'onatac 'Enauacna 2013

¹³ Qalaxaye saishet qome da huo'o ca irolec na lhuaq camaye da ỹalauat, cha'aye camaye da qaỹalauat, nache qairolec ca coma' huo'otaq aca checna. Na'aictaxa da huo'otaq shiỹaxaua, huo'otaq shiguiỹac, camaye saishet da qanca'alaxattauec. Nato' qom qaỹa'aqchigui da l-lamaxa aca nasheere peenaq lcoue, nache ishet da qainotsheguemec añi qasoxonaxa.»

Éxodo 19:13 Referans Kwoze

Hebreos 12:20

cha'aye somayepi saishet da ỹañoxot da ỹalaxaguet so namaxasoxonaxacpi maye qaỹamaxalec: «Iuen da qairota'a na coma' huo'otaq aca taquiaxai da qaỹalauat ca camachaqca shiỹaxaua huo'otaq shiguiỹac da choche peua'a na laỹe aña'añi qaỹoqotcheguemec 'alhua.»

Éxodo 19:19

Nache na l-lamaxa aso nasheerepi nataqa'en nquictauec, nache so Moisés detaqtac. Qaq Ñim Lo'onatac 'Enauacna ỹasattapeeguet somaye, qaq naua la'aqtaqa Ñimaye da ỹasat qalaq 'eeta'ama na nalataxa.

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

1 Corintios 15:52

Qaq ỹataqta nque'elaxatta qome de'era, 'eeta'am da 'oonolec nqachegoxoñi ca shiỹaxaua, qom qaỹa'axaỹa aca pa'atec nasheere. Qom qaỹasheeraxalecna, nache na leuaxaicpi nca'alec qanqa'en. Huaña, nache saishet da qaltaq ileu. Qaq qomi' maye sa'amaqtenaqtac So Cristo maye ñaq ñeca'alaqtauec qomi' qanaralaxa't.

Éxodo 19:14

Nache so Moisés huenoteeguesop aso qasoxonaxa da naỹamaxat naqa'en so shiỹaxauapi, da yaqto' ỹo'oxoren Ñim Lo'onatac 'Enauacna, qaq so shiỹaxauapi nataqa'en ỹataqta iỹote' naua alogo.

Éxodo 19:17

Nache so Moisés nqateeguesopa naua lpele'ete so Israel le'ecpi, da yaqto' nauane' Ñim Lo'onatac 'Enauacna. Nache ỹauega da hueto'ot naqa'en na loigue aso qasoxonaxa Sinaí.

Éxodo 34:3

Qaq saishet qome da huo'o ca 'annaicapegue', qataq saishet da huo'o ca choche huetalec aña'añi qasoxonaxa, qagueta, huo'otaq huaca da lquia'aqa' ye sa qaỹapeque añimaye.»

Jueces 20:37

Nache somayepi ique'elaxatta da iloquiaxan so hueta'a ye Gabaa, irolec na ỹeelonec da ỹalauat 'enauac som netaña yemaye.