Éxodo 19:11 - La'aqtaqa Ñim Lo'onatac 'Enauacna 2013

¹¹ qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:11 Referans Kwoze

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Deuteronómio 33:2

'eeta': «Ñim Nataxala' chegoqtelec añi Sinaí, nache qomi' icoỹareleguete hualec añi Seír. Qaq na lqashelgaxa qalaq chegoqtelec aye qasoxonaxapi ye Parán, nache ivira'a ye Meribá Cadés, qaq na aloiguishec lhuaq, nache 'ettaigui so nasoqta'a nqataxacpi.

Éxodo 34:5

Nache Ñim Nataxala' huenotec, nactaigui so lo'oc, nache hueta'a som netaña so Moisés, qataq Ñimaye nasaxauec da le'enaxat.

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Salmos 144:5

'Am Nataxala', ñaq 'auauatec qome na piguem nache 'aunotec, nache 'apoteua'a ana qasoxonaxapi yaqto' nchisheguem ca lmala'q.

Salmos 18:9

Qataq ỹauachigui na piguem nache huenotec, nache petaigui so sansattec lo'oc.

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Éxodo 34:2

Qataq 'anaỹamaxattac qome, cha'aye qonte' nte'eta nache 'asheguema añi qasoxonaxa Sinaí. Yaqto' Aỹem 'anauane' da huaña ye ỹataqta qaỹoqotcheguema ana lmilo añi qasoxonaxa.

Josué 3:5

Qataq so Josué 'enapego' se'eso nhuo' le'ecpi, 'eeta': «Ỹataqta qanqui'itaxachiita qome, cha'aye qoyo'oxoñi qauauañiichigui qome da Ñim Nataxala' ỹo'ot ca sa qauauañiỹapega.»

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Éxodo 24:16

Nache da llo'oxoyec Ñim Nataxala' anac da imattalec aso qasoxonaxa Sinaí, qaq ivi' soua seis na'axa'te da imattalec so lo'oc aso qasoxonaxa. Qaq co'ollaq mashe iviteuga so na'a'q siete, nache Ñim Nataxala' chemaxaigui so lo'oc co'ollaq iỹaxana so Moisés.

Éxodo 24:17

Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»