Éxodo 18:9 - La'aqtaqa Ñim Lo'onatac 'Enauacna 2013

⁹ Nache so Jetro ỹataqta machiguiñi souaxat da lqouagaxanaqtaic Ñim Lo'onatac 'Enauacna maye ỹachaxana so Israel le'ecpi co'ollaq nca'alaxateeguesop da lamaxasoxonaxac so Egipto le'ecpi.

Éxodo 18:9 Referans Kwoze

1 Corintios 12:26

Qaq ỹoqo'oye da huo'o ca 'oonolec ca pa'aigue ne'ena nogoxoshetpi da daỹalli, nache 'enauac na laỹepi nataqa'en daỹalli. Qataq da huo'o ca 'oonolec ca pa'aigue da qaỹo'oxoren, qaq nataqa'en na laỹepi ivirauga da ntootapigui'.

Romanos 12:15

Da huo'o ca matapiguiñi, nache camaye qantonaxauai qome; qaq da huo'o ca daquicotac, nache nataqa'en qami' qaraquicoxouai camaye.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Isaías 66:10

«'Enauac qami' maye qarauotaxache ye Jerusalén, qantonaxauai qome yemaye, qami' maye huo'o da qaraquicoqoi co'ollaxa souaxat yemaye, qaq nagui qalaq qami' nlaqchiguilo qome da qaramaicỹaxaqui,

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

1 Samuel 15:6

qalaxaye hua'auñi da ỹamaxa da la'aqtac so queniitapi, da 'enapega 'eeta': Qami' qauaỹamaxacheeta co'ollaxa na Israel le'ecpi co'ollaq chegaqa'a ye Egipto, ỹoqo'oye qoquiỹa'ai qome na amaleciitapi. Qauataiuec qome yaqto' saishet da qaualliquiitaigui namayepi qom ñematchiguiñi. Nache so queniitapi ca'ai co'ollaxa so amaleciitapi.

Isaías 63:7

Aỹem sauotaique da sa'axat da lauotaxanaqtaic Ñim Nataxala', qataq so'on na no'onecpi da qaỹo'oxoren Ñimaye souaxat na qalota ỹo'otpi Ñimaye souaxat qomi', qataq souaxat da lta'araic lauotaxanaqtaic nam llalaqpi so Israel, qataq nam ỹo'otpi souaxat da lsoxoyec qataq da lta'araic lauotaxanaqtaic.

Isaías 44:22

Aỹem sapalaxat co'ollaxa nam 'ane'enaxacpi, qataq na 'arasouaxashetpi 'eeta'am ñaqa'en da 'eetec nam lo'oc na piguem da nlagaxatapec. Ñaq Aỹem 'añe'eguelaxa, cha'aye 'am ñeca'alaxatec co'ollaxa.»