Éxodo 18:5 - La'aqtaqa Ñim Lo'onatac 'Enauacna 2013

⁵ Nache so Moisés nmataqa' co'ollaxa ye toolec 'alhua, maye sa qaỹapeque añi qasoxonaxa maye lma' Ñim Lo'onatac 'Enauacna. Qaq nacheye ye taỹa co'ollaxa so Jetro, nnaictague' aso llale maye lhua so Moisés, qataq soua llalqa somaye.

Éxodo 18:5 Referans Kwoze

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 4:27

Qaq Ñim Nataxala' sogote da 'enapega so Aarón, 'eeta': «'Anqo'ona qome ye toolec 'alhua da 'auqata'aguet na Moisés». Nache so Aarón jec, qaq nache natena'aguet so Moisés co'ollaq hualec añi qasoxonaxa maye lalamaqte Ñim Lo'onatac 'Enauacna. Huaña nache nquine' qataq napigoxoi' somaye.

Éxodo 18:6

Nache somaye, 'enapeco': «Aỹem Jetro maye aỹem 'aracho', ñanac da sauotaique da 'am ñauane', ñenaictague' ara 'arhua qataq daua dos 'aỹa'alqa.»

Éxodo 19:2

Chegoqchiguiña ye Refidim, qaq co'ollaq ivita ye toolec 'alhua ye Sinaí nache hua'a, qaq yemaye sa qaỹapeque añi qasoxonaxa.

Éxodo 24:13

Ime, nache ñesheguem so Moisés, nache tasheguemec aso qasoxonaxa maye lma' Ñim Lo'onatac 'Enauacna, nnaictague' so ltaua le'enaxat Josué.