Éxodo 18:4 - La'aqtaqa Ñim Lo'onatac 'Enauacna 2013

⁴ qaq so lỹa le'enaxat Eliezer, cha'aye 'enapeco': «Ñim Natamnaxala' so ita'a aỹem itauan qataq aỹem nca'alaxateeguesop so lainec so faraón».

Éxodo 18:4 Referans Kwoze

Hebreos 13:6

Qaq ỹoqo'oye seshetaq da she'eguelaxataqtalec qataq sauoqo'o da qanaquitaxac dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qaica ca she'etaique. Cha'aye qaica ca ishet da huo'o ca aỹem ỹo'otec qauem cha'aye Ñim Lo'onatac 'Enauacna aỹem itauaatac.»

2 Timoteo 4:17

Qalaxaye So Qarataxala' Jesús aỹem itauan, qataq aỹem ỹami' da ỹa'añaxac da ña sepactelec da sa'axat da na'aqtac maye chegaqaigui da nca'alaxa, yaqto' hua'axaỹa de'era 'enauac na saq judiopi. Qaq nache 'eetec de'era da aỹem nca'alaxateeguesop da loxonaxanaxac nam dequi'iỹapec 'eeta'am ca shiguiỹac.

Hechos 12:11

Huaña, nache so Pedro cheta'ague da ỹoqta ỹa'amaqten de'era. Nache 'enapeco': –Nagui saỹaten da qache ỹoqta 'eesa de'era, da Ñim Nataxala' namaq so lamaxashec da aỹem nca'alaxateeguesop ñi Herodes qataq 'enauac dam nshetaique da aỹem ỹo'otec nam judiopi.

Daniel 6:22

Ñim Ñatamnaxala' namaq so lamaxashec piguem le'ec, qaq somaye ỹapogui na alap na llonpi, da yaqto' saishet da aỹem ique'emaqchet, cha'aye Ñim Lo'onatac 'Enauacna ỹaỹaten da aỹem qaica ca ỹasouaxashet, qataq qaica ca so'ot qauem da 'am hueto'ot 'am nta'a.

Salmos 46:1

Ñim Lo'onatac 'Enauacna nacheñi ñi qomi' npaxattaleguete qataq nacheñi ñi qara'añaxac, Ñimaye sa naỹaloxon da qomi' itaua'n da souaqaigui da qarachetataic.

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Salmos 18:48

Ñimaye aỹem nca'alaxateeguesop da lalemataic na ñepa'aguenaxauapi, nam saỹalaqpi maye aỹem mpa'aguene'. 'Am Nataxala' 'am maye aỹem 'anca'alaxateeguesop na shiỹaxauapi maye qaica ca iren.

Salmos 18:1

'Am Nataxala', aỹem ỹataqta 'am sauotec, cha'aye nache 'am ỹa'añaxac.

1 Crónicas 23:15

Qaq soua llalqa so Moisés, le'enaxa't: Gersón qataq so Eliezer.

Éxodo 2:15

Qaq so faraón co'ollaq ỹaỹaten da so Moisés ỹalauat so Egipto le'ec, nache damaxasoxoolec da qanmitaique da yaqto' nataqa'en qaỹalauat. Qalaxaye so Moisés mashe datauec, nache taỹa ye 'alhua Madián. Qaq co'ollaq ivi', nache netaña ye saqaỹapeque aso ñi'illoxoqui.

Hechos 7:29

Nache so Moisés co'ollaq hua'axaỹa de'era, nache datauec, nache taỹa ye toolec 'alhua le'enaxat Madián, nache naña, 'eeta'am ca shiỹaxaua maye ỹaqa'a ca chegaqa'ague. Huaña, nache huo'oi soua dos llalqa.

Hebreos 11:34

qataq ỹalamat na lta'araic le'eraxa na norec. Qataq naneltaxaneguet da nalaataguec da qaira'a ca ỹeelonec. Qataq ỹaconeguet da la'añaxac da mashe ivita da qaica ca la'añaxac. Qataq da huo'o ye alaataxac qalaq ỹataqta 'añaxaicpi, ỹoqo'oye nauec na nalleppi na npa'aguenaxauapi.

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Éxodo 2:22

Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Éxodo 4:20

Nache so Moisés ỹauec aso lhua, qataq so llalec nache ỹanaxanaxaleguete so 'ashena. Ime, nache ỹe'eguelaxa ye Egipto. Nache ỹachetac aso lashelte maye lalamaqte Ñim Lo'onatac 'Enauacna.

1 Crónicas 23:17

Qaq so Eliezer, 'oonolec so llalec le'enaxat Rejabías, qaq se'eso Rejabías ỹataqta qalota so llalaqpi.

Éxodo 10:28

So faraón nataqa'en 'enapego' so Moisés, 'eeta': «Aỹem qoca'ai, qaq nache tachiguiña da aỹem 'anaua'a. Cha'aye ca na'a'q qom qaltaq aỹem 'auanaua'a, nache 'aleu qome».