Éxodo 18:3 - La'aqtaqa Ñim Lo'onatac 'Enauacna 2013

³ qataq soua dos llalqa. So 'oonolec soomaye le'enaxat Gersón, cha'aye so Moisés 'enapeco' da la'aqtac: «Aỹem ỹaqa'a da sachegoqta'ague, qaq nagui ỹaqa'a na sootalec 'alhua,»

Éxodo 18:3 Referans Kwoze

Éxodo 2:22

Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Hechos 7:29

Nache so Moisés co'ollaq hua'axaỹa de'era, nache datauec, nache taỹa ye toolec 'alhua le'enaxat Madián, nache naña, 'eeta'am ca shiỹaxaua maye ỹaqa'a ca chegaqa'ague. Huaña, nache huo'oi soua dos llalqa.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Salmos 39:12

«'Am Nataxala', ñaq 'aua'axaỹa da ñatamnaxac, ñaq 'auqoche'eguet da iỹaxanaxac, saishet da sa 'aua'axaỹa da ñenoinaxac cha'aye 'eeta'am 'anqa'en aỹem ca ỹaqa'a ca chegaqa'ague, sheeta'am ca qoỹo maye chochaq queta, sheeta'am co'ollaxa som sachegoxoguetpi.

Éxodo 4:20

Nache so Moisés ỹauec aso lhua, qataq so llalec nache ỹanaxanaxaleguete so 'ashena. Ime, nache ỹe'eguelaxa ye Egipto. Nache ỹachetac aso lashelte maye lalamaqte Ñim Lo'onatac 'Enauacna.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

Jueces 18:30

Nache so daniitapi ỹanaña yemaye so lqolac ne'enaqtac 'epaq da yaqto' natamnot somayepi, nache ỹauo'o ntaxaỹaxanaxanec so Jonatán, som llalec so Guersón maye laual so Moisés. Qaq huaña co'ollaxa nache se'eso chegoxoguetpi somaye nache ntaxaỹaxanaxanecpi da ilotague' so chegoxoguetpi so Dan, nache ivitta'a co'ollaq noxonecpi somayepi.

1 Crónicas 23:15

Qaq soua llalqa so Moisés, le'enaxa't: Gersón qataq so Eliezer.