Éxodo 18:26 - La'aqtaqa Ñim Lo'onatac 'Enauacna 2013

²⁶ Qaq nacheso somayepi som ishet da nmit na lasouaxashetpi so nhuo' le'ecpi 'enauaque naua na'axa'te. Qaq nam nasouaxashetpi maye ỹataqta huo'o da lqalaic, nache qairoua'a so Moisés, qaq nam nasouaxashet maye saq 'amaqtaq, nache maiche ỹaỹamaxaañi somayepi.

Éxodo 18:26 Referans Kwoze

Éxodo 18:22

Nache camayepi nacheca qome ca nmit ca lasouaxashet ñi 'oonolec nam nhuo' le'ecpi 'enauaque naua na'axa'tesa'ache. Qaq cam ỹapactec lta'araic nasouaxashet, nache 'am qandoua'a. Qaq ca saq 'amaqtaq nasouaxashet, qalaq maiche huapegue' qome camayepi. Yaqto' saqallegueme da 'ansallaxa, cha'aye camayepi 'am itauan qome.

Da na'aqtaguec so Job 29:16

qataq aỹem lta'a na huo'o da lhuenaxanaxa, qataq seuettapeguelec naxa na ỹaqa'a ca chegaqa'ague!

1 Reyes 10:1

Qaq aso nate'e ye Sabá, co'ollaq hua'aqtapeguelec da ño'oxonnataguec so Salomón, maye ỹo'ot da llo'oxoyec Ñim Nataxala', nache asomaye nqo'ona co'ollaxa somaye, cha'aye ỹauotaique da ỹe'eguen, huota'a na ỹataqta qalaqaic nnataxanaxacpi.

Deuteronómio 17:8

«Qaq da qanmichi ca ỹataqta qalaqaic, 'eeta'am ca nalaatac, cotaxac, huo'otaq da huo'o ca qaique'emaqchet, huo'otaq huo'o ca lỹa qanqalaata'ai', nache qauroiua'a qome ca lca'ateua'a da lanataqa' Ñim Nataxala' maye Qanatamnaxala'ai,

Deuteronómio 1:17

qataq da qanmiche ca nasouaxashet, nache saishet da qalca'aitagui na shiỹaxauapi, da choxoraq huo'otaq sallaxanec. Qataq saishet da huo'o ca qayi'iitega, cha'aye ñi nmit na nasouaxashet, Nacheñi Ñim Lo'onatac 'Enauacna. Qaq da huo'o ca ỹataqta qalaqaic, nache aỹem qandoiua'a yaqto' maiche soicnapec da ñemit.›

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.