Éxodo 18:25 - La'aqtaqa Ñim Lo'onatac 'Enauacna 2013

²⁵ Nache lca'aua'a som ỹalleppi Israel le'ecpi maye ỹataqta huo'o na ỹaỹaten. Ime, nache huo'o so ipataxalec da ilo'ogue so mil shiỹaxauapi, qataq so cien, qataq so cincuenta qataq soua diez.

Éxodo 18:25 Referans Kwoze

Deuteronómio 1:15

«Nache saconeua'alo soua shiỹaxau' sachegoxotaigui ñi 'oonolec na maiche nalamaxat nhuo' le'ecpi, maye ỹaanaxanaxaiqa qataq mashe nmate' na lataxaguesat, nache sami' da huo'o naq 'enec da qami' ilo'oguelo. Qaq huo'o na ilo'ogue ñaqa'en so mil, cien, cincuenta, diez, qataq huo'o na lataxala' na maiche nalamaxat nhuo' le'ecpi.

Éxodo 18:21

Qaq 'am, 'alca'agui qome ne'ena nhuo' le'ecpi, 'alca'aua'a cam ỹalleppi maye ỹataqta nalauo, qataq ỹataqta huo'o naq 'enec naqa'en Ñim Lo'onatac 'Enauacna, qataq saq shepecaic, qataq saishet da choche nmitta'ai ca lashiichiỹaxac, qaq ca 'oonolec camayepi huo'o ca 'aupataxalec da ilo'ogue ca mil shiỹaxauapi, qataq huo'o ca 'aupataxalec da ilo'ogue ca cien, qataq huo'o ca 'aupataxalec da ilo'ogue ca cincuenta, qataq huo'o ca 'aupataxalec da ilo'oguelo caua diez.

Hechos 6:5

Qaq 'enauac somayepi ỹaỹamaxareeta de'era. Nache qalca'aua'a so Esteban. Somaye ỹataqta nlaqchigui da lpi'iỹaxac Ñim Lo'onatac 'Enauacna qataq hueto'ot da la'añaxac So Saqcha'a Na'añaxac Qui'itta. Nataqa'en qalca'aua'alo soua lỹa't seis ỹale't: Felipe, Prócoro, Nicanor, Timón, Parmenas, qataq so Nicolás. Se'eso Nicolás somaye lma' ye Antioquía, qalaxaye quegue da la'amqaanataxanaxac na judiopi.

Génesis 47:6

Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»

Éxodo 18:24

Nache so Moisés ỹalaxaguet so lacho' qataq ipacchigui 'enauac nam la'aqtacpi somaye.

Números 1:4

Qataq qami' ỹalectaiguilo qanqa'eñi ñi 'oonolec na lataxala'pi na maiche nalamaxat nhuo' le'ecpi.

Números 1:16

Qaq 'ena na le'enaxatpi so lataxala'pi som ỹalecta'a't nhuo' le'ecpi, maye ỹaneuo co'ollaxa so Israel le'ecpi, qataq da lataxala' so alleppi.

Números 11:16

Qalaxaye Ñim Nataxala', 'eeta': «'Alaỹona't qome ca setenta nqueroxonecpi Israel le'ecpi, maye lataxala'pi ne'ena nhuo' le'ecpi, nache 'auauegueua'a ye ñegueuo ñi npe'l, nache camayepi qataq 'am, aỹem qauachiỹaique qome.

2 Samuel 18:1

So David, naloqchiiñi co'ollaxa so nalleppi, nache ỹauo'o so lataxala'pi so mil, qataq so cien alleppi.