Éxodo 18:22 - La'aqtaqa Ñim Lo'onatac 'Enauacna 2013

²² Nache camayepi nacheca qome ca nmit ca lasouaxashet ñi 'oonolec nam nhuo' le'ecpi 'enauaque naua na'axa'tesa'ache. Qaq cam ỹapactec lta'araic nasouaxashet, nache 'am qandoua'a. Qaq ca saq 'amaqtaq nasouaxashet, qalaq maiche huapegue' qome camayepi. Yaqto' saqallegueme da 'ansallaxa, cha'aye camayepi 'am itauan qome.

Éxodo 18:22 Referans Kwoze

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Números 36:1

Qaq soua lataxala'ate so maiche nalamaxat nhuo' le'ecpi maye chegoxoguet so Galaad, som llalec so Maquir, Manasés qataq so José, soomaye tareua'a co'ollaxa so Moisés qataq so lataxala'pi so Israel le'ecpi, nache 'eeta':

Números 27:2

Qaq se'esoua cinco nqaỹa't, tareua'a co'ollaxa so ñegueuo so npe'l maye naỹonqa' da detaxaỹapegueto so Moisés qataq so ntaxaỹaxanaxanec Eleazar, qataq so lataxala'pi so lapoota'a't nhuo' le'ecpi, nache soomaye 'eeta':

Números 15:33

Nache so ilalec se'eso ldeetac, somayepi ỹauegueua'a co'ollaxa so Moisés, Aarón qataq so lapoota'a't nhuo' le'ecpi,

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Éxodo 18:26

Qaq nacheso somayepi som ishet da nmit na lasouaxashetpi so nhuo' le'ecpi 'enauaque naua na'axa'te. Qaq nam nasouaxashetpi maye ỹataqta huo'o da lqalaic, nache qairoua'a so Moisés, qaq nam nasouaxashet maye saq 'amaqtaq, nache maiche ỹaỹamaxaañi somayepi.

Romanos 13:6

Na nta'alpi do'onataxaatacot Ñim Lo'onatac 'Enauacna, qaq namayepi ipagaqchiichigui da lataxac dam lo'onataxanaxac. Qaq ỹoqo'oye qami' iuen da qaushiichiñi añim iỹaxanaique namayepi.

Éxodo 18:18

Cha'aye damaye ỹataqta 'anasamiisop qome, qataq na shiỹaxauapi maye 'am datato'ot. Cha'aye de'era no'onataxanaxac ỹataqta qapa'atta, qaq saq taiguet da 'andote'.

Éxodo 18:23

Qaq da 'aushet da qonetec de'era, qataq da 'am ỹamaxalec Ñim Lo'onatac 'Enauacna, nache huaña qome, qaq ishet da 'anala'aguet, qataq na shiỹaxauapi ishet da ỹataqta machiguiñi da taua'alo naua lma'ate.»

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.