Éxodo 18:21 - La'aqtaqa Ñim Lo'onatac 'Enauacna 2013

²¹ Qaq 'am, 'alca'agui qome ne'ena nhuo' le'ecpi, 'alca'aua'a cam ỹalleppi maye ỹataqta nalauo, qataq ỹataqta huo'o naq 'enec naqa'en Ñim Lo'onatac 'Enauacna, qataq saq shepecaic, qataq saishet da choche nmitta'ai ca lashiichiỹaxac, qaq ca 'oonolec camayepi huo'o ca 'aupataxalec da ilo'ogue ca mil shiỹaxauapi, qataq huo'o ca 'aupataxalec da ilo'ogue ca cien, qataq huo'o ca 'aupataxalec da ilo'ogue ca cincuenta, qataq huo'o ca 'aupataxalec da ilo'oguelo caua diez.

Éxodo 18:21 Referans Kwoze

Hechos 6:3

Qaq ỹoqo'oye qami' qarqaỹa't, qanmichiỹapigui caua siete ỹale't da qoñiita, cam nache 'eetai'salo da npe'e'te, qataq huo'o na ỹaỹate'n, qataq nlaqchiguilo da la'añaxac So Saqcha'a Na'añaxac Qui'itta, qaq nachecaua ca qaupataqaileguete de'era no'onataxanaxac.

Ezequiel 18:8

qataq da ỹanec aca alom, qaq saishet da ỹagaqnauec aca iỹaxanaique da ivita da qaisheeten, qataq saishet da ỹo'otec ca qauem ca lỹa, qataq nalochiguiñi da lataxac da lo'onataxanaxac da nmi't caua dos shiỹaxau' maye ncotatega't,

2 Samuel 23:3

Ñim Natamnaxala' na Israel le'ecpi detaqa, Ñim mpaxattalec na Israel le'ecpi, aỹem 'enapega, 'eeta': ‹Ca nta'a maye ilo'ogue na shiỹaxauapi, da no'on da lo'onataxanaxac, qataq huo'o naq 'enec naqa'en Ñim Lo'onatac 'Enauacna,

1 Timoteo 3:3

Qataq saishet da taxaic, qataq saishet da sa ncherapec qataq saishet da nmitta'a da cotaxac. Nachaqrata da iuen da soxoraic qataq saishet da sa lhuanguit qataq saishet da quetaigui da latenataxanaxac da nmitta'a ana anom.

Zacarías 8:16

Qaq 'era da iuen da nache 'eetai' qome da qauo'ocheetac, 'eeta': Da qana'aqtaxañiitega't qalaq ỹataqta qami' 'eesora, qaq da huo'o ca qanmiche qalaq qoquiitegue da nalochiguiñi lataxac, qataq qanpogoxoiñapegue' da nlagaxayec da qoviita'a ca huaña da huo'o ca qanmit;

Zacarías 7:9

«'Era da samaxasoxoolec, 'eeta': Qami' da huo'o ca qanmiche qarỹai, qalaq iuen da qauo'ogoxoñiỹa dam nalochiguiñi lataxac, qataq da nauotaxanaqtaic qataq nchoxonnataxanaxa.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Proverbios 28:2

Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

Da na'aqtaguec so Job 31:13

Qaq da sa selo'oguet co'ollaxa na ilatacpi huo'otaq ana ilatapi, da aỹem dequictacot da sanem ca iỹaxaataique.

Da na'aqtaguec so Job 29:16

qataq aỹem lta'a na huo'o da lhuenaxanaxa, qataq seuettapeguelec naxa na ỹaqa'a ca chegaqa'ague!

Nehemías 7:2

Qaq so ỹaqaỹa Ananí, qalaq sanem da ilo'ogue ye Jerusalén, qaq so Jananías qalaq sanagui da lataxala' so ilotague' so nauanaxanaqa', cha'aye somaye ỹataqta huo'o naq 'enec naqa'en Ñim Lo'onatac 'Enauacna, qaq saq 'ena'am so laỹepi shiỹaxauapi.

Nehemías 5:9

Nache aỹem shenapega somayepi, sheeta': «De'era qauo'ocheetac, damaye ỹataqta saỹaỹamaxañi. Cha'aye da ishet da qarvichiỹa'a da le'enaxanaxac na qomi' ipa'agueeta'ape, nache qami' qauachaxañi da huo'o naq 'enec qanqa'eñi Ñim Qanatamnaxala'.

1 Samuel 8:3

Qalaxaye se'esoua llalqa, saishet da 'eeta'ama da lataxa'c so lta'a, nachaqrata da ỹataqta qopitaxanaqtaqaiqa, qataq nasheete' naxa da qaisheete'n, nache saishet da ỹo'o't ca ỹaỹamaqchiguiñi.

Éxodo 18:25

Nache lca'aua'a som ỹalleppi Israel le'ecpi maye ỹataqta huo'o na ỹaỹaten. Ime, nache huo'o so ipataxalec da ilo'ogue so mil shiỹaxauapi, qataq so cien, qataq so cincuenta qataq soua diez.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Hechos 20:33

Aỹem saishet da choche ñaquitta'a co'ollaxa aca anom huo'otaq ca nogoxot.

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,

Génesis 42:18

Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:

Lucas 18:4

Qalaxaye se'eso ỹale ỹataqta huo'oi soua na'axa'te da saishet da ilo'oguet asomaye. Qalaxaye co'ollaq qaỹoqtegue, nache somaye deuennataxaatac, 'eeta': ‹Aỹem na'aictoxo' da saishet da huo'o ca 'enec ñaqa'en Ñim Lo'onatac 'Enauacna qataq 'enauac nam shiỹaxauapi,

Lucas 18:2

Nache 'enapeco': «Huo'o so nmit na nasouaxashetpi maye netaña so 'oonolec so saq 'amaqtaq nỹecpiolec. Somaye ỹataqta qaica ca 'enec naqa'en Ñim Lo'onatac 'Enauacna qataq 'enauac nam shiỹaxauapi.

Isaías 16:5

nache huo'o qome ca 'oonolec maye chegoxoguet so David, ca ivira'a da nta'a, qaq dam lo'onataxanaxac maye saldaỹai', qalaq na'attalec qome da nchoxonnataxanaxa, qataq huo'o naq 'enec qanqa'en da huo'o ca nmit nasouaxashet, qataq lapaxañi qome nam no'on lataxacpi, qataq saỹaỹaloxon da ỹo'ot ca nalochiguiñi lataxac.

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

1 Reyes 18:3

Nache so Ajab, iỹaxaneuga co'ollaxa so Abdías maye ilotague' naxa so nma' lta'araic, qaq so Abdías ỹataqta huo'o naq 'enec naqa'en Ñim Nataxala',

1 Samuel 8:12

Qataq huo'o ca ipataxaguet qome da ilo'ogue ca mil alleppi, qataq ca cincuenta alleppi. Qataq da qoñiita huo'o qome ca ipataxaguet da na'attapiguisheguem naqa'en ca na'alhua camaye, qataq lapootac na ala ca lañiguishec, huo'otaq da ỹo'ot cam lo'ogoxonaxatpi, qataq cam no'otaxatpi aca nnaigonapi maye nalaataxaquipi.

Josué 22:14

Nache somaye nnaictagueto soua diez lataxala'ate so Israel le'ecpi, maye ñi 'oonolec soomaye, nache lataxala' so maiche nalamaxat nhuo' le'ecpi.

Números 10:4

Qaq da 'oonole aca qaỹashiiyigui, nache ndotec na lataxala'pi na maiche nalamaxat nhuo' le'ecpi Israel le'ecpi, da 'am taua'a da laỹona't.

Génesis 47:6

Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»

Números 1:4

Qataq qami' ỹalectaiguilo qanqa'eñi ñi 'oonolec na lataxala'pi na maiche nalamaxat nhuo' le'ecpi.

Números 1:16

Qaq 'ena na le'enaxatpi so lataxala'pi som ỹalecta'a't nhuo' le'ecpi, maye ỹaneuo co'ollaxa so Israel le'ecpi, qataq da lataxala' so alleppi.

Deuteronómio 22:18

Nache que'eca nqueroxonecpi ỹaconeua'a camaye da yaqto' ỹo'ot ca nhuaxanaguec,

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Salmos 15:1

¿'Am Nataxala', negue'tom ca ishet da netaña ye 'aranataqa'? ¿Negue'tom ca ishet da netaña añim qui'itta 'anqasoxonaxa?

Éxodo 17:9

Nache so Moisés 'enapego' so Josué, 'eeta': «'Auauo'oi qome caua 'auaconeua'alo shiỹaxau'. Ime, qaq qojec 'aulogui' na amaleciitapi. Aỹem qalaq sootalec qonte' nte'eta añi qaỹoqotcheguemec 'alhua, llasoqta'a qome aye lashelte Ñim Lo'onatac 'Enauacna.»

2 Samuel 18:1

So David, naloqchiiñi co'ollaxa so nalleppi, nache ỹauo'o so lataxala'pi so mil, qataq so cien alleppi.