Éxodo 18:20 - La'aqtaqa Ñim Lo'onatac 'Enauacna 2013

²⁰ Qaq namayepi nache 'auapaxaguenec qome na nqataxacpi qataq na napaxaguenataxanaxacpi, qataq 'auapaxaguenec da llecỹaxac da nachaalataxac, qataq cam ỹo'ot ñi 'oonolec.

Éxodo 18:20 Referans Kwoze

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Salmos 143:8

Ñaq aỹem 'auaỹaanaxanaxanec da 'arauotaxanaqtaic ye nte'eta, cha'aye nache 'am sacheto'ot da ipi'iỹaxac, ñaq aỹem 'auachaxanegue qome ca nqa'aic maye ishet da sateuga, cha'aye 'am sanot co'ollaxa da ñachaalataxac.

Deuteronómio 1:18

Qaq 'era da 'eetec se'eso na'a'q da ỹataqta qami' sapaxagueneque co'ollaxa 'enauac nam ishet da qauo'oche.»

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Deuteronómio 4:1

Qaq nagui qami' shenapegalo qami' Israel le'ecpi, qana'axaỹaxañiỹalo qome naua qalapaxayiñi lataxaco, qataq naua namaxasoxonaxaco maye qami' sapaxagueneque, qataq ỹataqta qauo'oche' qome, yaqto' qarca'alliiuec, qataq qoñiỹalec ye 'alhua maye qami' ỹanema qome Ñim Nataxala' maye Natamnaxala' so hua'au qarta'ailpi.

Miqueas 4:2

Nache qalota qome na shiỹaxauapi nvira añimaye, nache 'eeta': «Qolaq saxasheguema añi nqasoxonaxa Ñim Nataxala', añim nalec añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, nache qolaqtegue na llecpi Ñimaye». Cha'aye chegoqchiguiña qome ye Sión da lapaxaguenataxanaxac Ñim Nataxala', qataq da la'aqtac Ñimaye nache chegoqchiguiña qome ye Jerusalén.

Éxodo 18:16

Cha'aye da huo'otaq huo'o ca nqalaatagui namayepi, nache anac da aỹem naua'a, da yaqto' aỹem ishet da sa'aqtaxanem namayepi, da chaq negue't ca ỹoqta 'en ca ỹa'axat, ime, nache aỹem sa'axateguelo naua lqataxaco qataq naua lapaxaguenataxanaxaco Ñim Lo'onatac 'Enauacna.»

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Jeremías 42:3

Ñaq 'anachoxonnot Ñim Nataxala' maye 'Anatamnaxala', da qomi' ỹapaxagueneque cam nqa'aic maye iuen da qolaxague, qataq cam iuen da so'otaq.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Deuteronómio 7:11

Qaq ỹoqo'oye nagui ỹataqta qaualaqaigueta qome naua namaxasoxonaxaco, nqataxaco, qataq naua lapaqtrañi lataxaco maye qami' samaxaleguete nagui da qauo'oche.

Marcos 13:34

Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Deuteronómio 5:27

Qaq ỹoqo'oye 'onaxaic da 'am qojec, nache 'ana'axaỹaxana qome 'enauac na la'aqtacpi maye 'am ỹanem Ñim Nataxala' maye Qanatamnaxala'. Ime, qaq qomi' 'aua'aqtaxanema qome yaqto' so'otaq qataq salaxasoxoguet.»