Éxodo 18:19 - La'aqtaqa Ñim Lo'onatac 'Enauacna 2013

¹⁹ Qaq ỹoqo'oye nagui 'ana'axaỹaxana da iqataxac maye 'am sami', qaq Ñim Lo'onatac 'Enauacna 'am itauan qome. Qaq 'am qome nache 'am ltaxaỹaxanaxanec na nalamaxat nhuo' le'ecpi da 'autaxaỹapegue' Ñim Lo'onatac 'Enauacna, qataq da 'aỹa'anot Ñimaye cam qanqalaata'ai'.

Éxodo 18:19 Referans Kwoze

Números 27:5

Nache so Moisés iroua'a Ñim Nataxala', de'era lquiquiaxa'c soomaye,

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Éxodo 20:19

Huaña, nache 'enapega so Moisés, 'eeta': «Nache 'amta qome qomi' 'autaxaỹapegueto. Ime, qaq 'am salaxasoxoguet. Qalaxaye saishet qome da qomi' detaxaỹapegueto Ñim Lo'onatac 'Enauacna. ¡Ten, qom seleuaq!»

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Proverbios 9:9

'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

2 Samuel 14:17

Qaq ana'ana 'aramaxashe iuatta'a ca 'ara'aqtac, 'am ỹataxala' da yaqto' machiguiñi 'anqa'en, cha'aye 'am nta'a, qoneta'am ca lamaxashec piguem le'ec Ñim Lo'onatac 'Enauacna, da ishet da ỹaỹaten ca 'onaxaic qataq ca qauem, qaq Ñim Nataxala' 'am hueta'aguet qome.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Éxodo 18:24

Nache so Moisés ỹalaxaguet so lacho' qataq ipacchigui 'enauac nam la'aqtacpi somaye.

Éxodo 18:15

Nache so Moisés 'enapeco': «Qomye ne'ena shiỹaxauapi anac aỹem naua'a, cha'aye huotaique da nnate' Ñim Lo'onatac 'Enauacna.

Éxodo 4:16

Qaq ñi Aarón 'am detaqlec qome da detaxaỹapegue' na nhuo' le'ecpi, qaq 'eeta'am da nache 'am da 'autaqtac. Qaq 'am, nache qoneta'am da nache aỹem da setaqtac.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Éxodo 18:20

Qaq namayepi nache 'auapaxaguenec qome na nqataxacpi qataq na napaxaguenataxanaxacpi, qataq 'auapaxaguenec da llecỹaxac da nachaalataxac, qataq cam ỹo'ot ñi 'oonolec.