Éxodo 18:16 - La'aqtaqa Ñim Lo'onatac 'Enauacna 2013

¹⁶ Cha'aye da huo'otaq huo'o ca nqalaatagui namayepi, nache anac da aỹem naua'a, da yaqto' aỹem ishet da sa'aqtaxanem namayepi, da chaq negue't ca ỹoqta 'en ca ỹa'axat, ime, nache aỹem sa'axateguelo naua lqataxaco qataq naua lapaxaguenataxanaxaco Ñim Lo'onatac 'Enauacna.»

Éxodo 18:16 Referans Kwoze

Éxodo 24:14

Qaq co'ollaq yaqta'a da jec, nache 'enapega so nqueroxonecpi, 'eeta': ‹Nache qoviita'a qome ne'ena, qomi' qauachiỹa'agueta, nato' qom ñe'eguelaxasoq. Da Aarón qami' no'ona'agueta qataq da Hur, qaq sa iuena'a da huo'o ca 'oonolec da qoñeeta da huo'o ca nqalaata'ai', qaq maiche naua'alo daamaye.›

1 Corintios 6:1

Da huo'o ca 'oonolec da qoñiita nasouaxata'ai' ca lỹa la'amqaanataxanaxaua, nache saishet da iỹaxanot ca loicnatac na lataxaguesat maye sa da'amqaanataxan da ỹaỹamaxaañi ca nasouaxashet, nachaqrata da iỹaxanoigui na laỹepi la'amqaanataxanaxauapi da ỹaỹamaxaañi camaye.

2 Samuel 15:3

nache so Absalón, 'eeta': «Ỹataqta ỹaỹamaqchiguiñi de'era qonetapeguec, qalaxaye qaica ca 'am ilo'oguet nam laỹepi so nta'a.»

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Da na'aqtaguec so Job 31:13

Qaq da sa selo'oguet co'ollaxa na ilatacpi huo'otaq ana ilatapi, da aỹem dequictacot da sanem ca iỹaxaataique.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Deuteronómio 6:1

Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.

Números 15:35

Nache Ñim Nataxala' 'enapega so Moisés, 'eeta': «Ñi'iñi ỹale iuen da qaỹalauat, qaq 'enauac qome na Israel le'ecpi irolec ca coma'pi da ỹasaq, huaña ye pa'auec ye qanayeuta'a.»

Levítico 24:15

Nache qonapega qome na Israel le'ecpi, qoneta': ‹Camachaqca shiỹaxaua da ilarapiguiñi Ñim Natamnaxala', nache camaye maiche nque'etaxangui ca nhuaxanaguec.›

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Éxodo 2:13

Qaq so lỹa na'a'q qaltaq ỹe'eguelaxauec, nache ilaleguete soua dos hebreo lashe' da maiche nhuaxaatega't. Nache inattaco' som iuaxaatac so lỹa, 'eeta': «¿Ta'ainco' ye 'auaxaatac da maiche 'aralamaxat 'arhuo' le'ec?»

Éxodo 18:17

Qalaxaye so lacho' Jetro ỹauo'o da lqataxac, 'eeta': «Sa ỹaỹamaxañi da 'eetec de'era da 'aro'onataxanaxac.

2 Crónicas 19:10

Qaq da huo'o camachaqca nam cotaxacpi, da qami' ndoua'alo nam netaigui nam huaqta'a't nỹecpi maye ỹotta'a't naua nañalo, da huo'otaq qanmiche ca lataxac da huo'o ca nalaatac, qalqo' da qauo'ogoxoñiỹa na nqataxacpi, na qalapaxañi lataxacpi, nam qaỹo'ot lataxacpi, qataq nam namaxasoxonaxacpi, nache qauqachiỹa namayepi da saishet da ỹauo'o ca lasouaxashet da hueto'ot naqa'en Ñim Nataxala', yaqto' da layeloxo Ñim Nataxala', saishet da qami' taleguete, qataq nam qarqaỹaipi. Qaq da qauo'oche de'era, nache qaica ca qarasouaxashiche qome.