Éxodo 18:13 - La'aqtaqa Ñim Lo'onatac 'Enauacna 2013

¹³ Qaq so lỹa na'a'q, nache so Moisés nso'ooñi da yaqto' na'axaỹaxana so qanqalaata'ai, maye ỹa'axateua'a somaye so Israel le'ecpi da yaqto' ỹaỹamaxaañi, qaq somayepi nache nachattañi, chegoqchiguiña so nte'eta, nache choche ivitta'a so avit da nachattaua'a so Moisés.

Éxodo 18:13 Referans Kwoze

Romanos 13:6

Na nta'alpi do'onataxaatacot Ñim Lo'onatac 'Enauacna, qaq namayepi ipagaqchiichigui da lataxac dam lo'onataxanaxac. Qaq ỹoqo'oye qami' iuen da qaushiichiñi añim iỹaxanaique namayepi.

Romanos 12:8

Qaq cam ỹaconeguet ca nachetaxat da ỹaỹaten da ỹa'añaqchet ca lỹa, nache iuen da nachera ỹo'ottac. Qaq cam tateua'a da chetaqtaxanaxaic, nache iuen da ỹo'ot damaye, qalaxaye no'on da ỹataqta huesota da lataxac. Qaq da qomi' qaỹataleguete da seloxogue na qaraỹepi, nache ỹataqta seloqtelec da lataxac da qaro'onataxanaxac. Qaq da qomi' tateleguete da setauanaq nam huo'o da lhuenaxanaxa, nache iuen da so'otaq damaye, qalaxaye ñetonaqtapigui'.

Mateo 23:2

Nam dapaxaguenataxaatapeguec na namaxasoxonaxacpi qataq nam fariseopi, namayepi nachena nam ỹataqta ỹaỹaten da ỹa'axategue da llec na lamaxasoxonaxacpi so Moisés.

Joel 3:12

Qataq naỹamaxat qome nam ỹotta'a't shiỹaxauapi da taỹa yem ca'amegue Josafat, cha'aye nache huaña yemaye da Ñim Nataxala' nmit qome 'enauac nam ỹotta'a't shiỹaxauapi maye qareuoreuapi.

Isaías 16:5

nache huo'o qome ca 'oonolec maye chegoxoguet so David, ca ivira'a da nta'a, qaq dam lo'onataxanaxac maye saldaỹai', qalaq na'attalec qome da nchoxonnataxanaxa, qataq huo'o naq 'enec qanqa'en da huo'o ca nmit nasouaxashet, qataq lapaxañi qome nam no'on lataxacpi, qataq saỹaỹaloxon da ỹo'ot ca nalochiguiñi lataxac.

Da na'aqtaguec so Job 29:7

qataq co'ollaq ñeso'ootaña naxa ye huaña da qoỹan da nqataxac, qataq da ñeso'ootaña ye naponqa' maye huaigui na huaqta'a't nỹecpi.

Jueces 5:10

¡Qaua'aqtaxañi qami', maye qoñiitalec naxa ana 'ashena lapagaxaipi, qataq qarauala'ai naxa na no'on no'oxonecpi, nataqa'en qami', maye qauapiitañi naxa da qoquiitegue na nqa'aicpi!

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 18:14

Nache so lacho' so Moisés, co'ollaq ỹauaachigui 'enauac de'era lo'onataxanaxac so laronaxanec, nache 'enapega, 'eeta': «¡Che ta'ainec da nache qonetec de'era ne'ena shiỹaxauapi! ¿Ta'ainco' ye nachaq 'amta da 'anso'ootañi, qaq ne'ena shiỹaxauapi 'enauac 'am nachattaua'a chegoqchiguiña so nte'eta choche ivitta'a so avit? ¿Ta'ainco' da 'andote' de'era no'onataxanaxac da 'aulotapeeguet namayepi?»