Éxodo 18:12 - La'aqtaqa Ñim Lo'onatac 'Enauacna 2013

¹² Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 18:12 Referans Kwoze

Deuteronómio 12:7

Nache huaña camaye da qauqui'i, ỹauaachigui qanqa'eñi Ñim Nataxala' maye Qanatamnaxala'ai. Nache qami' qataq ca qaỹa'alquipi qauamaichiguiñi da qantoñiitapeguec ca chegaqaigui da qaro'onataxanaxaqui maye qami' ichoxonneque Ñim Nataxala'.

Génesis 31:54

Qaq ime, nache so Jacob, ỹo'ot aso lachetaqtaxanaqte ỹavigaxatta, hualec naqa'en aso qasoxonaxa. Ime, nache iỹaxana som lauo' le'ecpi da lquia'axaua. Qaq 'enauac somayepi deque'e co'ollaxa, qataq nache lo'ochaqa' so pe asa'aso qasoxonaxa.»

Éxodo 24:11

Qaq Ñim Lo'onatac 'Enauacna saishet da huo'o ca 'ena'ac se'eso lataxala'pi so Israel le'ecpi som ỹauaachigui Ñimaye. Huaña, nache somayepi deque'etac qataq nỹomtac.»

Éxodo 24:5

Ime, nache ỹamaq so nsoxoppi Israel le'ecpi da ỹauo'o ca lachetaqtaxanaxat huaca maye qaỹavigaxatta qataq aca nachetaqtaxanaqte maye qanhuachiigui.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Corintios 10:21

Qataq saishet da qanỹomiigui aca ỹomaxaqui maye naigui da qaỹo'oxoren So Qarataxala', nache nataqa'en qanỹomiigui aca ỹomaxaqui maye naigui da qaỹa'amaqten na lamaxashecpi maye saqcha'a so pa'aguenataxanaxaic. Qataq saishet da qolliqui ca nallec maye naigui da qaiuennate So Qarataxala', nache nataqa'en qolliqui ca nallec maye qoỹanot na lamaxashecpi so pa'aguenataxanaxaic.

1 Corintios 10:18

Ña qaumiiñi na Israel le'ecpi. Nam chectac na nachetaqtaxanaxat huaca lapat maye qoỹaneuo, namayepi nhuanaua'a da lqouagaxanaqtaic Ñim Lo'onatac 'Enauacna, souaxat ne'ena nachetaqtaxanaxatpi.

Lucas 14:15

Qaq co'ollaq hua'aqchigui de'era som 'oonolec maye nso'ootañi datatalec so nquia'axala', nache 'enapega So Jesús, 'eeta': –Ỹataqta machiguiñi qome ca dequi'iỹapegueua'a ca nallec qom qanayeetaigui da lo'onataxanaxac Ñim Lo'onatac 'Enauacna.

Lucas 14:1

Qaq huo'o so na'a'q mataxaqui, nache So Jesús nqo'oneua'a da lquia'aqa' so lma' som 'oonolec nam lataxala'pi na fariseopi. Qaq som laỹepi maye ỹalectauo, 'enauac somayepi choche nauaatac So Jesús.

Daniel 10:3

Nache saishet da sachec ca no'on nallec, qataq saishet da she'eguen ca lapat, qataq ca lataxa, qataq saishet da huo'o ca ñecoyigui coraxat, choche ivitta'a da inoxoore'c se'esoua tres semanas.

Da na'aqtaguec so Job 42:11

Nache 'enauac so lqaỹañecpi ỹalleppi, 'alpi, nauochaxauapi qataq 'enauac som togoshec nauattonaxauapi, nqo'ona somaye nache qaỹauaxaiguet somaye da qaỹo'ot so nquia'axac huaña so lma'. Nache ỹataqta qaỹa'añaqchettac somaye, souaxat so nque'eenaxac maye namaxa co'ollaxa Ñim Nataxala', nache ñi 'oonolec somayepi huo'o na ỹanem ana qalota alom plata qataq ana nchiguishaqte oro.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

2 Crónicas 30:22

Nache so Ezequías, ỹataqta ntootapeguec so leviitapi, souaxat da somayepi ỹachaxan da ỹataqta lhuotta da ỹo'oxoren Ñim Nataxala'. Qaq co'ollaq ime da ỹalectaua'a so nquia'axac maye huaiguilo se'esoua siete na'axa'te, da ỹaatapegueuo asom lachetaqtaxanaqtepi qanhuaachigui, qataq da ỹo'oxoreetac Ñim Nataxala' maye Natamnaxala' so hua'au lta'alpi.

2 Samuel 9:7

Nache so David 'enapega somaye, 'eeta': Saishet qome da 'añi'i, cha'aye aỹem 'am saỹamaxatta qome, cha'aye saishet da secoua'ai so Jonatán maye 'arta'a. Qaq so'ot qome da 'am qaỹe'eguelaxatem 'enauac nam na'alhua co'ollaxa so 'arapi' Saúl, qataq nache 'eetai' qome da 'am iquia'axaua da seque'e.

Deuteronómio 27:7

qataq aca qarachetaqtaxanaqche maye qanhuaachigui, yaqto' qauamaichiguiñi qome da qollequi acamaye da huaña ca lanataqa' Ñim Nataxala' maye Qanatamnaxala'ai.

Éxodo 2:20

Nache so Reuel qaltaq inatta'ape soua llalel, 'eeta': «¿Qaq hua'ague ca hueta'ague que'eca ỹale? ¿Ta'ainco' ye qaualache da yaqto' ndotec camaye? ¡Qauesomiỹa, ña qanaviquiiuo yaqto' deque'e!»

Génesis 43:25

Qaq soomaye ỹaqataxaatrai' so lachetaqtaxanaxa't, nache iuattra'aguet so José da nvireuo se'eso na'a'q laiñi, cha'aye soomaye mashe ỹaỹate'n da nache huaña yemaye da deque'e'.

Génesis 26:25

Qaq huaña, nache so Isaac, ỹo'ot aso lca'atoxonaxalate, nache iỹaxana da le'enaxat Ñim Nataxala'. Qaq somaye nache nalec se'eso 'alhua, nache som lamaxashecpi, nshe' aso ñi'illoxoqui.

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Génesis 4:4

Qaq nataqa'en so Abel ndoua'a Ñim Nataxala' so ỹataqta 'onaxaic la'auaxanec llalaqpi aso lalo qaguetapi. Qaq Ñim Nataxala' ỹataqta ỹamaateguet so Abel, qataq aso lachetaqtaxanaqte,

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 18:13

Qaq so lỹa na'a'q, nache so Moisés nso'ooñi da yaqto' na'axaỹaxana so qanqalaata'ai, maye ỹa'axateua'a somaye so Israel le'ecpi da yaqto' ỹaỹamaxaañi, qaq somayepi nache nachattañi, chegoqchiguiña so nte'eta, nache choche ivitta'a so avit da nachattaua'a so Moisés.

Éxodo 20:24

Qauo'oche qome aca nca'atoxonaxalate 'alhua, nache qauachiỹalec acamaye cam Aỹem qaỹa'añiỹot qarachetaqtaxanaxache qaỹavigaxatta, qataq qanhuaachigui chegaqaigui nam shiguiỹacpi maye qaralamaxache, qagueta, huaca. Nache Aỹem ñanac qome da qami' sanema ca ichoxonnataxanaxa da huaña na 'alhuapi maye huaña da qaiuennate da ỹe'enaxat.

Éxodo 33:7

So Moisés ỹauo'o co'ollaxa so npe'l, nache ỹanaña so qaỹata'a so nanataqa' maye qanayeuta'a, nache ỹanagui da le'enaxat npe'l maye huaña da qanauane' Ñim Lo'onatac 'Enauacna. Nache da huo'o ca huotaique da ỹaỹaten ca 'eetapeguec Ñim Nataxala', nache taua'a somaye.

Números 10:29

Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Génesis 26:30

Qaq huaña nache so Isaac ỹo'ot so lta'araic lquia'axac, nache soomaye deque'eta'ape qataq nỹomta'ape.