Éxodo 18:11 - La'aqtaqa Ñim Lo'onatac 'Enauacna 2013

¹¹ qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Éxodo 18:11 Referans Kwoze

Salmos 95:3

Cha'aye Ñim Nataxala' maye Lo'onatac 'Enauacna, Ñimaye 'amaqtaqaic, qataq 'amaqtaqaic Nta'a maye nataỹaña 'enauac na laỹepi atamnaxala'pi.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

2 Crónicas 2:5

Qalaxaye aca'aca atamnaxaqui maye ño'oxoosheguem qome, iuen da ỹataqta late'erai ñaqa'en, cha'aye Ñim Qanatamnaxala' ỹataqta lta'araic, napacalec na laỹepi atamnaxala'pi.

Lucas 1:51

Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.

Salmos 135:5

Aỹem saỹateeta da Ñim Nataxala' maye Qanatamnaxala', ỹataqta lta'araic, nataỹaña 'enauac na laỹepi atamnaxala'pi.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Salmos 97:9

Cha'aye 'Am Nataxala', maye 'Anataỹaña 'enauacna, 'am, 'anataỹaña 'enauac ana 'alhua, qataq 'anataỹaña 'enauac na laỹepi atamnaxala'pi.

1 Crónicas 16:25

Cha'aye Ñim Nataxala' ỹataqta lta'araic da la'amaqchec, qataq ỹataqta 'itchiguiñi da qaỹo'oxoreetac, qataq da lchec Ñimaye napacalec na laỹepi atamnaxala'pi.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Salmos 119:21

Cha'aye 'am, 'aviraxato'ot ca saishet da ncherapec qataq na qauemaicpi maye ca'aisalo naua 'aramaxasoxonaxaco.

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

2 Reyes 5:15

Huaña, nache so Namán qataq 'enauac so nnaictague'pi, ỹe'eguelaxa co'ollaxa so netaña so Eliseo maye la'aqtaxanaxanec Ñim Lo'onatac 'Enauacna. Nache co'ollaq ivireua'a somaye, nache so Namán, 'enapeco': ¡Nagui, saỹateeta da 'enauac ana 'alhua, qaica ca lỹa maye Lo'onatac 'Enauacna, nachaqñita Ñim Natamnaxala' na Israel le'ecpi! Qaq ỹoqo'oye nagui 'am ñachoxonnot da 'auaconeguet na lachetaqtaxanaxat, ne'ena 'aramaxashec.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Salmos 31:23

Ỹataqta ỹauotec Ñim Nataxala' 'enauac na quetague' Ñimaye. Ñim Nataxala' ỹataqta ntela'a na huesota da lataxac, qaq na na'amqaanaxaicpi, qalaq ỹanem da nhuaxanaguec.

Nehemías 9:29

Qataq 'auamaxalec da ỹalaxaleguete naua 'arqataxaco, qalaxaye somayepi ỹaguec da na'amqaanaxac nache 'am sa ỹalaxaguet, qataq sa ỹalaxalec na 'aramaxasoxonaxacpi, nache dataỹa'aguet na lataxacpi maye 'alapaxañi, maye ỹo'ot da lca'alaxa cam ỹalaxalec namayepi, qalaxaye somayepi ỹataqta saỹalaq, nache 'am saiqocha'a, qataq ỹoqta qaramchiguilo naua lqaigo, nache 'am sa na'axaỹaxana.

Nehemías 9:16

Qalaxaye somayepi qataq so hua'au qarta'alpi, ỹataqta na'amqaanaxaicpi, qataq sa ỹalaxagueta naua 'aramaxasoxonaxaco.

1 Reyes 17:24

Nache aso 'alo 'enapeco': Nagui, aỹem saỹateeta, da ỹoqta 'eesa da 'am nale Ñim Lo'onatac 'Enauacna, qataq cam qonapec, qalaq ỹoqta 'eesa la'aqtac Ñim Nataxala'.

1 Samuel 2:3

Qaica qome ca na'amaqten da detaqa, qaica qome ca ỹagaqnauec da ño'oxonnaxac, cha'aye nacheñita Ñim Nataxala' ñi ỹaỹaten 'enauacna, qataq nacheñi ñi naloqna't, qataq nmit na ỹo'otpi ca shiỹaxaua.

Éxodo 14:18

Qaq qom mashe ime, da sachegoxotchigui na faraón, qataq 'enauac ana naigonapi, qataq na caipi da sachaxan da ỹa'añaxac, huaña qome nache na Egipto le'ecpi ỹaỹateeta da Aỹem Nachaỹem Nataxala'.

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 5:7

«Nagui nache saishet qome da qoquiito'ot da qaỹa'añeeta'am na 'auaqpi na Israel llalaqpi da ỹo'ot na losoc, saishet da qaue'enaxachiichigui da 'eeta'am nagui da qaỹa'añeeta'am nacherata da ¡qauauaqaita'a da yaqto' imapegue' da maiche ilaique na 'auaqpi.

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 1:16

«Da ivita da qanvigoqoiñi ana hebreo lashepi da deco'o, nache qaumichiñiita cam ñiguiñi llalec da ỹale, nache qaualauache, qaq da 'alo, nache qauauaqaita'a da nca'altauec.»

Éxodo 1:10

Qaq ỹoqo'oye selaqaique qome ca lataxac da yaqto' saishet da nache 'eetai' da nquictauec namayepi, cha'aye saiuena'a da huo'otaq huo'o ca alaataxac, nache namayepi ỹalegoigui ca qampa'aguenaxauapi, nache qomi' deloguito qataq nache ca'ai ne'ena 'alhua.»

Números 33:4

qaq so Egipto le'ecpi, ñaq ilattapiguiñi co'ollaxa so la'auaxanec llalaqpi maye Ñim Nataxala' ileu naqa'en, qataq Ñimaye nataqa'en ỹo'ot co'ollaxa da nhuaxanaguec so lataxala'pi somayepi.