Éxodo 18:10 - La'aqtaqa Ñim Lo'onatac 'Enauacna 2013

¹⁰ Nache 'enapeco' da la'aqtac: «Ỹataqta qaỹo'oxoren qome Ñim Nataxala', maye nca'alaxateeguesop na Israel le'ecpi, da la'añaxac ñi faraón qataq na Egipto le'ecpi maye qami' ipataqtrañi co'ollaxa,

Éxodo 18:10 Referans Kwoze

2 Samuel 18:28

Qaq co'ollaq nvireuo so Ajimaz, nache ỹa'aldoto naua l-llecte so nta'a nache, 'eeta': Ỹataqta choxonnataxanaxaic Ñim Nataxala' maye Atamnaxala', 'am nta'a, cha'aye Ñimaye qomi' ỹanema da qoroxonec nam 'am ipa'agueetacpi, 'am nta'a.

Génesis 14:20

qataq qaỹo'oxoren qome Ñim Lo'onatac 'Enauacna, maye Nataỹaña 'enauacna ñim 'am ỹanem co'ollaxa da 'oxonec so 'ampa'aguenaxauapi.» Qaq huaña nache so Abram, ỹanem so Melquisedec, añi 'oonole ana diez 'enauac som lhuotaxanaxatpi.

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

1 Ts 3:9

Qaq ỹoqo'oye qomi' sa saỹaanaq ca shenaqtec da sanaqot da qana'achecỹaxac Ñim Lo'onatac 'Enauacna souaxat da qoñiita.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

1 Reyes 8:15

nache 'eeta': «Ỹataqta qaỹo'oxoren qome Ñim Nataxala' maye Natamnaxala' na Israel le'ecpi, cha'aye ipacchigui da ỹachaxanapecot co'ollaxa so ita'a David, co'ollaq 'eeta':

Génesis 24:27

nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

1 Samuel 15:6

qalaxaye hua'auñi da ỹamaxa da la'aqtac so queniitapi, da 'enapega 'eeta': Qami' qauaỹamaxacheeta co'ollaxa na Israel le'ecpi co'ollaq chegaqa'a ye Egipto, ỹoqo'oye qoquiỹa'ai qome na amaleciitapi. Qauataiuec qome yaqto' saishet da qaualliquiitaigui namayepi qom ñematchiguiñi. Nache so queniitapi ca'ai co'ollaxa so amaleciitapi.

1 Samuel 25:32

Nache so David 'enapego' asomaye, 'eeta': Ỹataqta soxoraic Ñim Nataxala', Ñim Natamnaxala' na Israel le'ecpi, maye 'am namaq da yaqto' aỹem 'auqata'aguet,

1 Reyes 8:56

«¡Ỹataqta qaỹo'oxoren qome Ñim Nataxala', maye ỹami' da l-lagaxayec na lalamaxat nhuo' Israel le'ecpi, cha'aye ỹataqta ipacchigui da ỹo'ot 'enauac nam ỹachaxanapecpi co'ollaxa! Qataq qaica ca saipaguelec nam ỹan la'aqtacpi maye ỹanem co'ollaxa so lamaxashec Moisés da ỹa'axat.