Éxodo 18:1 - La'aqtaqa Ñim Lo'onatac 'Enauacna 2013

¹ Nache so Jetro maye lacho' so Moisés, som ltaxaỹaxanaxanec na netaña ye Madián, somaye la'axaỹaxac 'enauac na ỹo'otec Ñim Lo'onatac 'Enauacna so Moisés, qataq so lalamaxatpi Israel le'ecpi, nataqa'en la'axaỹaxac da 'eetec Ñim Nataxala' co'ollaq nqateeguesop somayepi ye Egipto.

Éxodo 18:1 Referans Kwoze

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.

Hechos 14:27

Nache co'ollaq ivildeua'a ye Antioquía, nache soomaye lapona't na 'amqaanataxanaxaicpi. Nache ỹa'axattrapeguem somayepi 'enauac nam ỹo'oteque soomaye Ñim Lo'onatac 'Enauacna. Qataq ỹa'axattrac da 'eetec da ltaunaxanaxac So Qarataxala' da itauaata'ape da da'aqtaxanem da no'on na'axaỹaxac nam saishet da judiopi da yaqto' nataqa'en ỹa'amaqten So Jesús.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»

Salmos 106:2

Qaq ¿negue'tom ca ivi' da ỹa'axatec na lta'araic ỹo'otpi Ñim Nataxala'? qataq ¿negue'tom ca ishet da ỹa'axat da ño'oxonnataguec Ñimaye?

Salmos 105:43

Qaq 'era da 'eetec Ñim Lo'onatac 'Enauacna, co'ollaq nqatec so lalamaxat nhuo' le'ecpi maye lca'aguishecpi, ỹataqta ỹa'alaqtai' naqa'en da ntonaxac.

Salmos 78:4

naamaye saishet qome da soxotaqtaisopa nam qoyalaqpi, sa'aqtaxanaxam nataqa'en cam ñaq naỹa'acna, da ño'oxonnataguec Ñim Nataxala', da la'añaxac qataq nam ỹo'ot da na'aalaxa maye ỹo'otpi co'ollaxa.

Salmos 44:1

'Am maye 'Aro'onatac 'Enauacna, qomi' sa'axasoqchigui co'ollaxa so qarta'alpi, da qomi' ỹa'axattapeguema ne'ena 'auo'otpi co'ollaxa, se'esoua na'axa'te maye huetoiguilo soua hua'au' vi'iye.

Salmos 34:2

Aỹem ỹataqta sho'oxoreetac qome Ñim Nataxala', qaq qom hua'aqa na choxoraqpi nache machiguiñi.

Josué 9:9

Nache soomaye 'ena'apo': «Qomye sachegoxosaqa'a ye ỹataqta qaỹoqta 'alhua, qaq souaxat da sa'axasoqtega da llo'oxoyec da le'enaxat Ñim Nataxala' maye 'Anatamnaxala'. Qaq qomi' saỹatenaq 'enauac na ỹo'otpi Ñimaye co'ollaq huaña ye Egipto,

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Romanos 15:18

Cha'aye 'eesa, da nachaqrata da sa'axattac dam ỹo'ot So Cristo ỹachegoxotchigui aỹem, da yaqto' nam saishet da judiopi ỹalaxaguet Ñim Lo'onatac 'Enauacna. Qaq damaye sañoxot, qaq saishet da sañoxot damaye da chegoqchiguilo naua ỹa'aqtaqa, maye nataqa'en nam so'otpi.

Hechos 15:12

Huaña, nache 'enauac somayepi ỹe'emaqtom. Ime, nache qana'axaỹaxana so Bernabé qataq so Pablo da ỹa'axattrac na na'anecpi qataq nam sa qaỹauanapega da ỹo'ot Ñim Lo'onatac 'Enauacna, ỹachegoxotchiguilo soomaye da huaigui naqa'en nam saishet da judiopi.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Salmos 105:5

Qataq qauennachiỹa'a na ỹo'ot da na'aalaxa maye ỹo'ot co'ollaxa, qataq na lapaxañi lataxacpi maye ỹan co'ollaxa Ñimaye.

Jueces 4:11

Qaq ye saqaỹapeque ye Cedes, maye naña aso encina ye Saanaim, nache netaña so lpe'l so Jéber, som queniita maye ca'ai so laỹepi queniitapi maye chegoxoguetpi so Hobab, som lacho' so Moisés.

Números 10:29

Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Éxodo 4:18

Nache so Moisés ỹe'eguelaxa ye netaña so lacho' Jetro. Nache 'enapego', 'eeta': «Aỹem she'eguelaxa ye Egipto yem netaña cam ỹalamaxatpi ỹaqaỹañecpi. Sauotaique da semeenaxana da huo'otaq ñaq huo'o camayepi.» Nache so Jetro 'enapeco': «Aja', 'aue, qojec, qataq qaica ca da qome da 'icỹaxac.»

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.

Éxodo 2:18

Qaq co'ollaq ivireua'a ye lma' so qa'ampi, nache so lta'a Reuel inatta'apo', 'eeta': «¿Che ta'ainco' ye qami' sa qaỹaloxogueta na na'a'q?»

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.