Éxodo 17:7 - La'aqtaqa Ñim Lo'onatac 'Enauacna 2013

⁷ Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Éxodo 17:7 Referans Kwoze

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Salmos 95:8

«Saishet qome da qaua'añaxachiiguilo naua qarquiyaqchilli', da 'eeta'am co'ollaq huaña ye Meribá, qataq da 'eeta'am so na'a'q co'ollaq huaña ye Masah, yem huaña ye toolec 'alhua,

Números 20:13

Qaq se'eso npaxaatauec 'etaxat huaña co'ollaxa ye Meribá, maye qaỹamata'ac cotaqa', yem huaña co'ollaxa so Israel le'ecpi da quetega Ñim Nataxala'. Nache Ñimaye ỹachaxana somayepi da qui'itta lataxac.

Deuteronómio 9:22

Qaq nache 'eeta'am co'ollaq huaña ye Tabera, Masah qataq ye Quibrot Hatavá da dalemata qanqa'eñi Ñim Nataxala'.

Éxodo 17:2

Huaña, nache qoỹenapega so Moisés, qoỹeeta': «¡Ña 'auauo'o ca qaraquip, yaqto' ñiỹomaq!» Nache so Moisés 'enapeco': «¿Ta'ainco' ye aỹem qauỹaxañiitacot? Qataq ¿ta'ainco' ye qavi'iguiñeetac Ñim Lo'onatac 'Enauacna?»

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Josué 22:31

Huaña co'ollaxa, nache so Finés, som llalec so ntaxaỹaxanaxanec Eleazar, 'enapego' somayepi, 'eeta': «Nagui saỹatenaqta da Ñim Nataxala' qomi' hueta'agueta, cha'aye qami' saishet da qauauoitaique da qauataiỹa'aguet Ñimaye, nache qomi' qanca'alaxacheueeguesopa da lhuaxanaxanaxac Ñim Nataxala'.»

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Números 27:14

cha'aye qami', Aỹem sa qaualaqaiguet co'ollaq huaña ye toolec 'alhua ye Zin, yem huaña co'ollaxa da Aỹem quetapeguelec ne'ena nhuo' le'ecpi, nache saishet da ỹauaachigui qanqa'eñi da Aỹem qavio'oxoreñi co'ollaq chegaqaigui ñaqa'en so 'etaxat aso coma' ye Meriba. Qaq se'eso 'etaxat, nacheso so huaña ye Cades ye toolec 'alhua ye Zin.

Deuteronómio 6:16

Saishet qome da qavi'igueñi Ñim Nataxala' maye Qanatamnaxala'ai, da 'eeta'am da qoñeetec co'ollaq huaña ye Masah.

Deuteronómio 33:8

Qaq da ỹanem la'aqtac so Leví, 'eeta': «'Am Nataxala', soua 'aralamqa'ate Tumim qataq Urim qalaq 'aỹa'anema so shiỹaxaua maye 'arpe'et, qataq 'avi'iguen co'ollaq huaña ye Masah, som 'ancotaỹapegue' co'ollaq huaña ye npaxaatasheguem na 'etaxat ye Meribá,

Salmos 78:18

Qataq ỹe'eguen Ñimaye, nache iỹaxaataique ca nallec maye nshetaique.

Salmos 81:8

Ña qana'axaỹaxañiỹa da iviraqtaxanaxac qami' nhuo' le'ecpi maye ỹalamaxatpi. ¡Da iyoxo' da aỹem qana'axaỹañiỹa qami' Israel le'ecpi!

Salmos 106:32

Qataq inogoqchet Ñim Nataxala', co'ollaq hueto'ot na loigue so 'etaxat ye Meribá, nache so Moisés ỹataqta qaica ca laỹamqa' souaxat somayepi,