Éxodo 17:6 - La'aqtaqa Ñim Lo'onatac 'Enauacna 2013

⁶ Qaq 'am seuatta'aguet yem Horeb, soota'a qome añi coma'. Qaq qom 'auaxangui añimaxa, nache naỹenec na 'etaxat, da yaqto' nỹom ne'ena shiỹaxauapi.» Qaq 'era da 'eetec so Moisés, ỹauaachigui so lqueroxonecpi na Israel le'ecpi.

Éxodo 17:6 Referans Kwoze

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

Salmos 105:41

Qataq chegaqaigui naqa'en aso coma' so 'etaxat, nache 'eeta'am na tala da quelec so toolec 'alhua.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Salmos 114:8

Cha'aye Ñimaye nañigui naqa'en da laỹe' na 'etaxat aca coma', qataq nañigui naqa'en da mpaxaatasheguem na 'etaxat aca coma'.

Salmos 46:4

Na la'auaxac so tala ỹataqta machiguiñi naqa'en ye huaqta'a't nỹecpi maye lalamaxat Ñim Lo'onatac 'Enauacna, yem ỹataqta qui'itta lanataqa' Ñim Nataỹaña 'enauacna.

Salmos 78:20

Qaq 'eesa co'ollaxa da Ñim Lo'onatac 'Enauacna ipoxoỹaxachigui aso coma' qataq chegaqaigui naqa'en so la'auaxac 'eeta'am na tala, nache ipaxaalec naqa'en ana 'alhua, qalaxaye, ¿isheto' peta'a da ỹan ca nallec? qataq ¿isheto' peta'a da ỹanem ca lapat ne'ena lalamaxat nhuo' le'ecpi?»

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Isaías 48:21

Qaq na'aictaxa co'ollaxa ỹauecteuga ye toolec 'alhua qalaq saishet da ilem na laquip, Ñimaye depoqogui naqa'en so coma' nache chegaqaigui somaye so 'etaxat da yaqto' nỹom somayepi.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Números 20:8

'Auacona qome aca nashelte, nache 'am qataq ñi 'arqaỹa Aarón qalaỹoñiỹa't qome na shiỹaxauapi. Nache ỹauaachigui 'anqa'en da qonapega añi coma' da ỹanem namayepi ca 'etaxat, qaq huaña nache 'auauaachigui añi coma' da chegaqaigui ca 'etaxat, nache nỹomigui na shiỹaxauapi qataq na na'atetpi.

Deuteronómio 1:2

Qaq ivi' soua once na'axa'te da qanayectalec so nqa'aic maye taalec añi qasoxonaxa Seír, qaỹachegoqchiguiña co'ollaxa añi qasoxonaxa ye Horeb ivitta'a ye Cadés Barnea.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Salmos 78:18

Qataq ỹe'eguen Ñimaye, nache iỹaxaataique ca nallec maye nshetaique.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»