Éxodo 17:5 - La'aqtaqa Ñim Lo'onatac 'Enauacna 2013

⁵ Nache Ñim Nataxala' 'enapeco': «'Aua'au qome qataq 'auauo'oi caua 'arỹa't na lqueroxonecpi na Israel le'ecpi. Qataq 'auache ana 'arashelte anam 'aurolec co'ollaq 'auaxaangui aso auaxai. Ime, qaq qojec.

Éxodo 17:5 Referans Kwoze

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.