Éxodo 17:4 - La'aqtaqa Ñim Lo'onatac 'Enauacna 2013

⁴ Nache so Moisés nqouagaxaunot Ñim Nataxala', 'eeta': «¿Cam sheeteco' ne'ena shiỹaxauapi? ¡Ye mashe yaqta'a da aỹem ỹalauat da aỹem irolec na coma'!»

Éxodo 17:4 Referans Kwoze

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

Números 14:10

Qalaxaye se'eso shiỹaxauapi huotaique da ira'alo na coma' soomaye da ỹasa'q. Nache Ñim Nataxala' ỹachaxan da llo'oxoyec huaña so npe'l maye naỹonqa', ỹauaachigui naqa'en 'enauac so Israel le'ecpi,

Hechos 14:19

Qalaxaye huo'oi soua nvildeuo judío lashe', chegoqra'ague da Antioquía qataq da Iconio. Nache soomaye ỹañoxo't da ỹayen so shiỹaxauapi, da yaqto' qanpa'aguene' so Pablo. Nache somayepi ỹasaq na coma' somaye, nache co'ollaq qaipettega da mashe ileu, nache qaỹauogonnaueegue da laỹe so nỹecpi.

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Hechos 7:50

¿Peta'a sa ỹo'onataco' 'enauac nam huetalecna?

Números 16:19

Qaq so Coré co'ollaq mashe laỹona't 'enauac se'eso shiỹaxauapi da yaqto' dataỹa'aguet so Moisés, qataq so Aarón, huaña so ñegueuo so npe'l. Nache Ñim Nataxala', yo'oq da llo'oxoyec ỹauaachigui 'enauac se'eso laỹoota'a't shiỹaxauapi.

Números 11:11

nache so Moisés 'enapega co'ollaxa Ñim Nataxala', 'eeta': «¿Ta'ainco' ye aỹem 'auo'otec da sa ỹaỹamaxañi, ye aỹem 'aramaxashec? Qataq ¿Ta'ainco' da saishet da aỹem 'anqouaguec, ye nda'a't da aỹem 'aumatalec da lsallaxa ne'ena shiỹaxauapi?

Éxodo 15:25

Nache so Moisés nqouagaxaunot Ñim Nataxala', nache Ñimaye ỹachaxana aso qo'oipaqole, nache so Moisés ỹasaxangui so 'etaxat aso lcoue asa'aso qo'oipaqole, nache se'eso 'etaxat ama. Qaq huaña, nache Ñim Nataxala' ỹe'eguen da lpi'iỹaxac somayepi, qataq ỹanem da lqataxac qataq da llec naqa'en da nachaalataxac ñi 'oonolec shiỹaxaua.

Éxodo 14:15

Qalaxaye Ñim Nataxala' 'enapega so Moisés, 'eeta': ¿Ta'ainco' da aỹem 'auỹaxaatacot da 'am setauan? ¡Qonapega qome na Israel le'ecpi da jec, nqauasheguem!

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.