Éxodo 17:2 - La'aqtaqa Ñim Lo'onatac 'Enauacna 2013

² Huaña, nache qoỹenapega so Moisés, qoỹeeta': «¡Ña 'auauo'o ca qaraquip, yaqto' ñiỹomaq!» Nache so Moisés 'enapeco': «¿Ta'ainco' ye aỹem qauỹaxañiitacot? Qataq ¿ta'ainco' ye qavi'iguiñeetac Ñim Lo'onatac 'Enauacna?»

Éxodo 17:2 Referans Kwoze

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.

Salmos 78:41

Qataq nache queto'ot da ỹe'eguelaqtalec da ỹe'egueetac Ñimaye, nache ỹaquicoqchettac Ñim qui'itta Natamnaxala' na Israel le'ecpi.

Salmos 78:18

Qataq ỹe'eguen Ñimaye, nache iỹaxaataique ca nallec maye nshetaique.

Deuteronómio 6:16

Saishet qome da qavi'igueñi Ñim Nataxala' maye Qanatamnaxala'ai, da 'eeta'am da qoñeetec co'ollaq huaña ye Masah.

Hebreos 3:9

Na'aictaxa da saỹamaxatta ivittrec soua cuarenta vi'iye so hua'au qarta'ailpi, qalaxaye nache 'ena'am da Aỹem ỹe'eguen co'ollaq hualec so toolec 'alhua.

Isaías 7:12

Qalaxaye so Ajaz, 'eeta': Aỹem saishet da she'eguen Ñim Nataxala' da seỹaxanot da ỹauo'o ca la'anec.

Mateo 4:7

Nache So Jesús 'enapeco': –Nataqa'en ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Saishet qome da 'avi'iguen Ñim Nataxala' maye Lo'onatac 'Enauacna.»

Salmos 95:9

yem huaña co'ollaq aỹem ỹe'eguen so hua'au qarta'ailpi, na'aictaxa da ỹauaachigui co'ollaxa nam so'otpi.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Hechos 15:10

Qaq ỹoqo'oye nagui qami', ¿ta'ainco' ye qauauoitaique da qauataiỹa'aguet nam ỹo'otpi Ñim Lo'onatac 'Enauacna? Qataq ¿ta'ainco' da qauauoitaique da qoñiỹapega nam quetague' So Jesús da ỹalaxalec na namaxasoxonaxacpi, ye so hua'au qarta'alpi qataq qomi' sa seshetaq da salaxasoxolec?

Hechos 5:9

Nache so Pedro 'enapego' asomaye, 'eeta': –¿Ta'ainco' qami' ye qanasachiigui co'ollaxa da qauatenachichi So Saqcha'a La'añaxac Ñim Qarataxala'? Ñaq 'aula'a, 'enauacha'agueta naua nso'q maye cheta'ague da ima't da ilalyiñi so 'arhua, naamaye nataqa'en nagui 'am ilayiñi.

Lucas 4:12

Nache So Jesús 'enapeco': –Nataqa'en ana nere maye huetalec na la'aqtacpi Ñim Lo'onatac 'Enauacna, 'eeta': «Saishet da 'avi'iguen Ñim Nataxala' maye Lo'onatac 'Enauacna.»

Malaquías 3:15

Qomi' sauanaqchigui, da nam ño'oxonnaxaicpi ỹataqta matapiguiñi, qataq na 'etaxaloxoicpi ỹataqta nquictauec nam hueto'otpi, qataq ỹe'eguen naxa Ñim Lo'onatac 'Enauacna, qalaq saishet da talec ca nhuaxanaguec.

Salmos 106:14

Qataq ỹo'ot 'enauac na maiche 'eetapeguecpi co'ollaq huaña ye toolec 'alhua, qataq huaña da ỹe'eguen Ñim Lo'onatac 'Enauacna.

Salmos 78:56

Qalaxaye namayepi ñaq queto'ot, da ỹe'egueetac Ñim Lo'onatac 'Enauacna, maye Nataỹaña 'enauacna, saishet da ỹalaxaguet Ñimaye qataq sa ỹalaxaleguete naua lamaxasoxonaxaco.

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Éxodo 17:7

Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Lucas 15:12

Nache huo'o so na'a'q so na'asa soomaye 'enapega so lta'a, 'eeta': ‹'Am taxare, aỹem 'aỹa'anem qome dam isallaxa maye 'auqataxaatapigui' da aỹem talec.› Nache, so lta'a icolaxachigui dam lsallaxa, nache ỹanoiguilo.

Éxodo 15:24

Huaña nache se'eso shiỹaxauapi ỹasaxaleguete naua qauema ltaxaỹaxaco so Moisés, qataq inattac, 'eeta': «¿Negue't ca ñiỹomaxagui nagui?»

1 Samuel 8:6

Qalaxaye so Samuel, ỹataqta sa ỹaỹamaxaren de'era, cha'aye qaiỹaxaatacot da ỹauo'o ca nta'a da ilo'ogue naqa'en somayepi, nache somaye nqouagaxaunot Ñim Nataxala',

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Salmos 95:8

«Saishet qome da qaua'añaxachiiguilo naua qarquiyaqchilli', da 'eeta'am co'ollaq huaña ye Meribá, qataq da 'eeta'am so na'a'q co'ollaq huaña ye Masah, yem huaña ye toolec 'alhua,

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

Deuteronómio 9:22

Qaq nache 'eeta'am co'ollaq huaña ye Tabera, Masah qataq ye Quibrot Hatavá da dalemata qanqa'eñi Ñim Nataxala'.