Éxodo 17:14 - La'aqtaqa Ñim Lo'onatac 'Enauacna 2013

¹⁴ Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Éxodo 17:14 Referans Kwoze

Éxodo 34:27

Nache Ñim Nataxala' 'enapega so Moisés, 'eeta': «'Iyiñi qome ne'ena na'aqtacpi, cha'aye namaye nachena na na'attalec da ñaỹamaxataxac maye 'am so'otec, qataq na Israel le'ecpi».

1 Samuel 30:17

Nache so mashe yo'oqoolec na 'alhua, nache so David iloquiaxan somayepi, nache ivitta'a so avit so lỹa na'a'q da iloquiaxaatac, qalaxaye cuatrocientos so nsoxoppi so ishet da nca'alec, cha'aye neleco' aso lalo cameellopi nache datauec.

1 Samuel 30:1

Qaq so inoxoorec soua tres na'axa'te, nache so David qataq so nalleppi ivita co'ollaxa ye Siclag, nache natenalec da so amaleciitapi mashe iloquiaxaatac co'ollaxa so netalec ye Néguev qataq Siclag, nache ỹataqta ilaxachigui qataq ỹavigaxat.

2 Samuel 8:12

Edom, Moab, Amón, filisteopi, qataq so amaleciitapi. Nataqa'en ỹaneuo so lhuotaxanaxat co'ollaq nhuo' so Hadad Ezer, maye llalec so Rejob maye nta'a ye Soba.

Números 24:20

Qaq ime nache so Balaam ỹamata'a da pa'aigue so Amalec le'ecpi, nache 'eeta': «Ye Amalec le'ecpi, nacheye ye la'auaxanec da 'amaqtaqaicpi 'enauac na laỹe shiỹaxauapi, qalaxaye yemaye taỹa'a da ỹataqta nlachiguiñi qome.»

Da na'aqtaguec so Job 18:17

Nache nam huetalecpi ana 'alhua qalaq saishet da iuennatega camaye, qataq da le'enaxat sa lỹa da qanasaxauec.

Éxodo 24:4

Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

Salmos 9:6

So depa'aguenataxaatac qalaq mashe ileu, qataq somaye nache l-llañe' so lalamaxat huaqta'a't nỹecpi, cha'aye 'am 'anlaxaañi, nache da na'aqtaguec somayepi qaica da huo'o ca no'onañi.

Da na'aqtaguec so Job 19:23

¡'Onaxaictaxa da huo'o ca ỹiyiñi na ỹa'aqtacpi, yaqto' nanettalec taxa ca lcat!

Esdras 9:14

Qaq taloxochiyectoxo' da she'eguelaxasoxolec da sa salaxasoxoguet na 'aramaxasoxonaxacpi, da saronaxaguet na 'alpi maye chegaqaigui ne'ena shiỹaxauapi maye ỹataqta qauema naua no'onataxaco. Cha'aye da nache shenaqtec, nache qomi' 'aualemataỹalo, qataq qomi' 'anlaxaayiñi, ivitta'a da ỹataqta qaica ca no'onañi da 'anca'alaxattauec da shenaqta.

1 Crónicas 4:43

qaq huaña nache nmatchiguiñi da ỹalauat som amalec le'ecpi maye no'onañi co'ollaxa. Ime, nache nalec yemaye choche ivitta'a nagui.

2 Samuel 1:1

Qaq co'ollaq mashe ime da qaỹalauat so Saúl, nache so David mashe nvita ye Siclag da yaqto' hua'a yemaye soua dos na'axa'te, co'ollaq ime da loxonec so amaleciitapi.

1 Samuel 15:18

Qaq Ñim Nataxala' da huo'otaq 'am ỹamaxalec co'ollaxa da 'anqo'ona da 'aulaxachigui se'eso 'etaxaloxoicpi amaleciitapi, qataq ỹataqta 'anmatchiguiñi da 'aualauat.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Números 33:2

Qaq so Moisés, nache ỹetta'aguet na le'enaxat na 'alhuapi maye chegoqchiguiña somayepi qataq na ivita, cha'aye nache la'aqtac co'ollaxa Ñim Nataxala'. Qaq 'era da llecỹaxac somayepi.

Éxodo 17:13

Ỹoqo'oye so Josué ishet da loxonec so nalleppi so amaleciitapi, irota'a so ỹeelonec.

Éxodo 32:33

Qalaxaye Ñim Nataxala' 'enapeco': «Aỹem, nachecata ca Aỹem hueto'ot ca lasouaxashet, nacheca cam sapalaxat aye ỹere.

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

1 Crónicas 4:42

Qataq som quinientos nalleppi somayepi, som chegoxoguetpi so Simeón, jec taỹa añi qasoxonaxa maye naña ye Seír, qaq soua lataxala'ate somayepi Pelatías, Nearías, Rafaías qataq so Uziel, maye llalqa so Isí,

Jeremías 30:2

«Ñim Nataxala' maye Natamnaxala' na Israel le'ecpi 'eeta': 'erelec qome aca nere 'enauac nam 'am sa'axatem,