Éxodo 17:12 - La'aqtaqa Ñim Lo'onatac 'Enauacna 2013

¹² Qalaxaye co'ollaq mashe imateguelo naua lhua'q so Moisés, nache qaỹacona so coma'. Ime, nache nso'oolec qanqa'en. Nache so Aarón qataq so Hur, nasoqtrañi naua lhua'q so Moisés, ñi 'oonolec soomaye nasoqta'a na 'oonolec lhuaq so Moisés. Huaña nache ishet da ỹachaxaatrashegue'm naua lhua'q so Moisés, choche ivitta'a da inoxooñi aso nala'.

Éxodo 17:12 Referans Kwoze

Isaías 35:3

Ña qaua'añaqchichi nam qaica ca la'añaxac, qataq qaỹa'añem da la'añaxac nam mashe nasamñi,

Filipenses 1:19

cha'aye aỹem saỹaten da saqca cara da ñachaalataxac, cha'aye qami' aỹem qanqouagaxauñiitalec, qataq da ltaunaxanaxac So Saqcha'a La'añaxac So Jesucristo. Qaq de'era nache chegoqchigui qome da saqaỹaloq da aỹem qaisouec.

Hebreos 12:12

Qaq na'aictaxa 'enauac de'era, qomi' saishet da saxanaxauec da qarpi'iỹaxac Ñim Lo'onatac 'Enauacna. Cha'aye da achaalataxac da 'eeta'am ca qomitaxac, nache naua qarhuaxayilli' qataq naua qarllectelli' da mashe qaica ca la'añaxa'c, qaq no'on qome da qana'añaxacheeta.

1 Ts 5:25

Qami' qarqaỹa't, nataqa'en qomi' qanqouagaxauñiitaleguete.

Efesios 6:18

Qataq saishet da qaucoviỹa'ai da qanatamnaxaqui. Qataq da ivita da qauỹaxañiitacot Ñim Lo'onatac 'Enauacna, qalaq chegoqchigui qanqa'eñi So Saqcha'a Na'añaxac Qui'itta. Qataq ỹataqta, nache 'eetai' da qanloitauec, qataq saishet da qanasamiitapiguiñi. Qataq qanqouagaxauñiitalec 'enauac nam lalamaxatpi Ñim Lo'onatac 'Enauacna.

2 Corintios 1:11

da qami' qomi' qautauñiita'ape da qomi' qanqouagaxauñiitaleguete. Qaq da saqalota na shiỹaxauapi qomi' nqouagaxaueetaleguete, qaq nache 'ena'am saqalota na ỹaatacot da na'achecỹaxac Ñim Lo'onatac 'Enauacna, souaxat da ltaunaxanaxac qataq 'enauac nam no'on maye qomi' ỹanema.

Santiago 1:6

Qalaxaye ỹataqta qaỹo'ot da npi'iỹaxac Ñim Lo'onatac 'Enauacna da ỹan damaye. Cha'aye nam huo'o da lqolectaxanaxac qalaq 'ena'am ana lapaxa aso auaxai da maicheye ca ỹamaxague na la'at.

Salmos 35:3

ñaq 'auacona aca 'arataquiaxai nache 'auataỹa'aguet na aỹem icaatacpi, aỹem ñeshetaique da 'am sa'axaỹa da qoneta': «Nachaỹem 'arca'alaxaqui.»

Colosenses 4:2

Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

Éxodo 17:11

Qaq so Moisés naxa da ỹachaxaayishegue'm naua lhua'q, nache doxonaxaatai' so Israel le'ecpi. Qalaxaye naxa da nauaxaỹaxaayiñi naua lhua'q, nache qaltaq doxonaxaatai' so amaleciitapi.

Éxodo 17:13

Ỹoqo'oye so Josué ishet da loxonec so nalleppi so amaleciitapi, irota'a so ỹeelonec.

Éxodo 24:14

Qaq co'ollaq yaqta'a da jec, nache 'enapega so nqueroxonecpi, 'eeta': ‹Nache qoviita'a qome ne'ena, qomi' qauachiỹa'agueta, nato' qom ñe'eguelaxasoq. Da Aarón qami' no'ona'agueta qataq da Hur, qaq sa iuena'a da huo'o ca 'oonolec da qoñeeta da huo'o ca nqalaata'ai', qaq maiche naua'alo daamaye.›

Josué 8:26

Qaq so Josué saishet co'ollaxa da nauaxaỹaxaañi aso nasoqta'a lataquiaxai nache iloxonaxaataua'a so huaqta'a't nỹecpi, ivitta'a da ỹataqta qailaxachigui 'enauac somaye.