Éxodo 16:9 - La'aqtaqa Ñim Lo'onatac 'Enauacna 2013

⁹ Ime, nache so Moisés 'enapega so Aarón, 'eeta': «Qonapega qome na Israel le'ecpi da nquigueua'a ye hueta'a Ñim Nataxala', cha'aye Ñimaye hua'aqtega da qauem ltaxaỹaxac namayepi».

Éxodo 16:9 Referans Kwoze

Números 16:16

Qaq ime, nache so Moisés 'enapega so Coré, 'eeta': 'Am qataq na 'araỹepi, qanqo'oñiiua'a qonte' ye lanataqa' Ñim Nataxala'. Qaq so Aarón, nataqa'en hueta'a qome yemaye.

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Éxodo 16:2

Qaq co'ollaq hueta'a so toolec 'alhua, nache 'enauac somayepi quetapeguelec so Moisés qataq so Aarón.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.