Éxodo 16:8 - La'aqtaqa Ñim Lo'onatac 'Enauacna 20138 Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.» Gade chapit la |
Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»
Cha'aye cam qauemaic da detaqa qalaq ipacchigui da qauema naua la'aqtaqa, qataq nache iuennatega da ỹo'ot na qauempi, qataq nmitta'a da ỹo'ot da lalaataxanaxac, qataq datenataxan da dataỹa'aguet Ñim Nataxala', qataq saishet da iquia'axan cam huo'o na lqouaxa, qataq saishet da nỹomaxan cam huo'o na laquip.
«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»
Qalaxaye qonapega qome ne'ena nhuo' le'ecpi da nqui'itaxatta qonte', yaqto' chec ca lapat. Cha'aye Ñim Nataxala' hua'aqtega da qannoinaxaqui qataq da qara'aqtaqui, maye 'eeta': ‹¡Negue'tom ca qomi' ỹanema ca lapat da yaqto' sacheguenaq da 'eeta'am co'ollaq sonaqtaña ye Egipto!› Qaq Ñim Nataxala' qami' ỹanema nagui ca lapat da yaqto' qollequiitac,