Éxodo 16:7 - La'aqtaqa Ñim Lo'onatac 'Enauacna 2013

⁷ Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Éxodo 16:7 Referans Kwoze

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Números 16:11

Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Juan 11:40

Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Juan 11:4

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Isaías 35:2

qataq ñaxatec qome ana lauoxo 'eeta'am ana nañiguishe lirio, qataq nlaxagui qome da ntonaxac qataq da lamaicỹaxac. Cha'aye Ñim Lo'onatac 'Enauacna ỹo'otec qome da ỹataqta huo'o da lyac 'eeta'am ye Líbano, qataq ỹataqta no'on 'eeta'am ye Carmelo qataq ye ca'amegue ye Sarón. Qaq huaña qome nache 'enauac na shiỹaxauapi da ila'a da llo'oxoyec Ñim Nataxala' qataq da la'amaqchec Ñim Qanatamnaxala'.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Números 16:42

Qaq co'ollaq lapona't so shiỹaxauapi da qaỹataỹa'aguet so Moisés qataq so Aarón, nache co'ollaq namatasheguem somayepi, nache ila'a so lo'oc, imattalec so npe'l, nache yo'oq da llo'oxoyec Ñim Nataxala'.

Números 14:10

Qalaxaye se'eso shiỹaxauapi huotaique da ira'alo na coma' soomaye da ỹasa'q. Nache Ñim Nataxala' ỹachaxan da llo'oxoyec huaña so npe'l maye naỹonqa', ỹauaachigui naqa'en 'enauac so Israel le'ecpi,

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Éxodo 24:16

Nache da llo'oxoyec Ñim Nataxala' anac da imattalec aso qasoxonaxa Sinaí, qaq ivi' soua seis na'axa'te da imattalec so lo'oc aso qasoxonaxa. Qaq co'ollaq mashe iviteuga so na'a'q siete, nache Ñim Nataxala' chemaxaigui so lo'oc co'ollaq iỹaxana so Moisés.

Éxodo 24:10

Huaña, nache somayepi ỹauaachigui da lataxac Ñim Natamnaxala' so Israel le'ecpi, qaq na pa'aguiñi naua lapia'ate qalaq qashelec 'eeta'am na no'on coma' le'enaxat zafiro, qataq ỹataqta yo'oqoolec, 'eeta'am da lo'oxoỹaxac na piguem.

Levítico 9:6

Nache so Moisés 'enapeco': «'Era da qami' ỹamaxaleguete Ñim Nataxala', qaq damaye qauo'oche qome, nache Ñim Nataxala' qami' nachaxanalo, qataq ỹataqta qaica ca 'ena'am da llo'oxoyec.»

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Números 17:5

Qaq aca nashelte maye nañaxatec qome, nachaca aca lashelte ca lleca'aguishec, huaña qome nache vi'iiguet da qami' quetegueleguete ne'ena shiỹaxauapi.