Éxodo 16:6 - La'aqtaqa Ñim Lo'onatac 'Enauacna 2013

⁶ Qaq so Moisés qataq so Aarón, 'enapega so Israel le'ecpi, 'eeta': «Ne'ena avit qami' qauaỹaañi da Ñim Nataxala' nacheñi ñi qami' nqateeguesopa ye Egipto.

Éxodo 16:6 Referans Kwoze

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Números 16:30

qalaxaye Ñim Nataxala' da ỹo'ot ca sa qaỹauanapega da ỹauachigui naqa'en na 'alhua, nache ña nca'altraue'c naqa'en da tayingui aca huachiqui, lỹachiyiñi' nataqa'en na logoxoshetpi, qaq huaña, nache qauaỹachiñiita da de'eraua shiỹaxau' maiche inogoqche't Ñim Nataxala'.

Números 16:28

Nache so Moisés qaltaq 'enapec: Nagui nache qauaỹachiñiita da Ñim Nataxala' nacheñi Ñim aỹem ỹamaxalec da so'ot 'enauac de'era, qaq saishet da so'ot ca maiche sheetapeguec.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Salmos 81:11

Qalaxaye ne'ena ỹalamaxat nhuo' le'ecpi saishet da aỹem hua'axaỹa, ¡na Israel le'ecpi saishet da aỹem ỹalaxaguet!